2024 جىلعى 6 اقپاندا قر مادەنيەت جانە اقپارات ءمينيسترىنىڭ مىندەتىن اتقارۋشى ايدا بالاەۆا ەلىمىزدىڭ جاڭا پرەمەر-ءمينيسترى ولجاس بەكتەنوۆ تۋرالى ءوز ويىن ايتتى، دەپ حابارلايدى “ادىرنا” ۇلتتىق پورتالى.
اقپارات جانە مادەنيەت مينيسترلىگىنىڭ باسشىسى ايدا بالاەۆا بۇعان دەيىن ولجاس بەكتەنوۆپەن بىرگە جۇمىس ىستەگەنىن ايتىپ، ول تۋرالى ءوز ويىن جەتكىزدى.
«مەن ونىمەن بىرگە جۇمىس ىستەدىم. ول وتە جاۋاپتى، ءارى ەڭبەكقور. ول مەملەكەت قايراتكەرى. سوندىقتان ونىڭ قولىنان كەلەدى دەپ ويلايمىن. ول وتە ءتارتىپتى. بىرىنشىدەن، ونىڭ وزىنە، سايكەسىنشە، قاراماعىنداعى باسقا دا قىزمەتكەرلەرگە قويار تالابى زور»، - دەدى ايدا بالاەۆ قازاقستان رەسپۋبليكاسى پارلامەنتى ءماجىلىسىنىڭ وتىرىسىندا.
سونداي-اق بالاەۆا جۋرناليستەردىڭ مادەنيەت جانە اقپارات ءمينيسترى قىزمەتىن ساقتاپ قالا ما دەگەن سۇراعىنا دا ءوز جاۋابىن بەردى.
«ونى كورە جاتارمىز، ول دەپۋتاتتاردىڭ قالاي قولدايتىنىنا بايلانىستى»، - دەپ جاۋاپ بەردى ايدا بالاەۆا.
“ادىرنا” ۇلتتىق پورتالى
