Premer-ministr Oljas Bektenov Prezidenttıŋ halyqqa Joldauynda jäne Ūlttyq qūryltaida alǧa qoiǧan mındetterı aiasynda Elektrondy qarjy ortalyǧynyŋ (EQO) sifrlyq infraqūrylymymen jäne halyq pen bizneske salyq reformasy turaly jürgızılıp jatqan tüsındıru jūmystarymen tanysty.
Onda Bıryŋǧai bailanys ortalyǧynyŋ jūmysy körsetıldı. Salyq töleuşılerge keŋes beru üş deŋgeilı jüie arqyly jüzege asyrylady: bastapqy tüsındıru, qoldau körsetu jäne aqparattyq jüielerge özgerıster engızu. Biylǧy qaŋtar aiynyŋ basynan berı 1414 bailanys jelısıne, messendjerler jäne Jİ-men jūmys ısteitın chat-bottarǧa telefon qoŋyraulary arqyly 135,5 myŋǧa juyq ötınış kelıp tüstı.
Kün saiyn operatorlar orta eseppen 13-14 myŋ ötınış qabyldaidy. Olardyŋ 7 myŋǧa juyǧy salyq reformasy, äleumettık tölemder jäne taǧy da basqa mäselelerge qatysty sūraqtar. Qajet bolǧan jaǧdaida azamattar men biznestıŋ qoŋyraulary men habarlamalary jüielık şeşımderdı taldau jäne qabyldau üşın tiıstı bölımşelerge jıberıledı.
Memleket basşysy Ūlttyq qūryltaida söilegen sözınde atap ötkendei, bızdıŋ mındetımız – Salyq kodeksınıŋ jaŋa normalaryn engıze otyryp, "fiskaldyq tranzittı" bırkelkı, ärı janjalsyz ötkızu. Halyqpen jäne biznespen özara ıs-qimyldyŋ tiımdı jüiesın qūru.
Bız ädıl de tiımdı salyq jüiesın ornatamyz, osy rette bırtındep salyq töleu mädenietın qalyptastyruǧa bet būryp kelemız. Salyq töleu arqyly tuǧan ölkenıŋ damuyna üles qosuǧa bolady degen sanaly täsıldı yntalandyru maŋyzdy. Prezident te patriotizmnıŋ osy türı turaly aityp otyr. Bügın bız biznestıŋ ädıl Qazaqstan qaǧidattaryna bırtındep beiımdelıp kele jatqanyn körıp otyrmyz. 2025 jyly biznes subektılerı öz betınşe 750 mlrd teŋgeden astam salyq töledı💬, — dep atap öttı Oljas Bektenov.
Premer-ministr salyq reformasy barlyq özgede jaŋaşyldyqtar siiaqty qiyndyqtar men jaŋa syn-qaterlerge toly atap öttı. Soǧan qaramastan, Qazaqstanda ıskerlık belsendılık artuda. Qarjy ministrlıgınıŋ derekterı boiynşa 2025 jyly elde 480 myŋ jaŋa zaŋdy tūlǧa tırkelgen. Osy jyldyŋ alǧaşqy 20 künınde – taǧy 22 myŋ subekt, būl biznestıŋ jappai jabyluy turaly boljamdardyŋ terıs ekenın körsetedı. Alaida biznestıŋ qyzmetıne naqty kedergı keltıretın normalardy anyqtaǧan kezde olardy qorytyp, tüzetu boiynşa ūsynystar engızu kerek.
Salyqtyq äkımşılendırudı oŋailatu jäne biurokratiialyq räsımderdı tömendetu boiynşa elımızde jürgızılıp jatqan reformalardy halyqqa qoljetımdı jäne sapaly tüsındıruge basa nazar audaryldy.
EQJ azamattardyŋ, biznestıŋ jäne memlekettık organdardyŋ özara ıs-qimylynyŋ negızgı servistık qūraly bolyp sanalady. Qarjy ministrlıgınıŋ sifrlyq infraqūrylymynyŋ negızgı obektısı salyq töleuşılerge konsultasiialyq qyzmetterdı, aqparattyq jüielerdı tehnikalyq süiemeldeudı jäne äkımşılendırudı qamtamasyz etedı. Bölımşeler barlyq qyzmettı bır alaŋǧa şoǧyrlandyrǧan jaŋa ǧimaratqa ornalastyryldy, būl öz kezegınde aqparattyq qauıpsızdık deŋgeiın arttyrdy.
Keŋes beruden bölek, EQO mamandary fiskaldyq jäne biudjettık saiasatqa jauapty 21 aqparattyq jüienıŋ üzdıksız jūmys ısteuın qamtamasyz etedı. Sonymen qatar Ortalyq biudjettık prosess integratoryn süiemeldeu, memlekettık satyp alular portalyna operatorlyq jäne servistık qoldau körsetu jäne t. b. baǧyttar boiynşa memlekettık operator qyzmetın atqarady.
Premer-ministr nysandy aralau qorytyndysy boiynşa Qarjy ministrlıgıne Elektrondyq qarjy ortalyǧyn odan ärı tehnologiialyq jaŋǧyrtu jäne azamattardyŋ ötınışterın barlyq bailanys arnalary arqyly öŋdeu quattylyqtaryn arttyru üşın qajettı barlyq jaǧdaidy qamtamasyz etudı tapsyrdy.
AMANAT: Elımızdegı barlyq saiasi partiialar, ÜEŪ-dar AES salu jönındegı bastamanyŋ bolaşaǧyna senedı
"Bızdı tonap, jerımızdı satyp jatyr": Albaniia halqy premer-ministrdıŋ otstavkaǧa ketuın talap etude
