شىمكەنتتە 21 جاستاعى ستۋدەنت نۇراي سەرىكبايدىڭ ولىمىنە بايلانىستى پوليتسيا قىزمەتكەرلەرىنىڭ ۇستىنەن قىلمىستىق ءىس قوزعالدى. بۇل تۋرالى بۇگىن، 22 قاڭتاردا ءىىم ۆيتسە-ءمينيسترى سانجار ءادىلوۆ ايتتى، دەپ حابارلايدى «ادىرنا» ءتىلشىسى.
«قىزمەتتىك تەكسەرىس ناتيجەسىندە ىشكى ىستەر مينيسترلىگى تارتىپتىك جاۋاپكەرشىلىككە تارتۋ شارالارىن قابىلدادى. پوليتسيا دەپارتامەنتىنىڭ باسشىسى قىزمەتىنەن بوساتىلدى، ونىڭ ءبىرىنشى ورىنباسارى دا قىزمەتىنەن كەتتى. سونداي-اق پوليتسيا قىزمەتكەرلەرىنە قاتىستى سالعىرتتىق دەرەگى بويىنشا قىلمىستىق ءىس قوزعالدى. ءىس بويىنشا پوليتسيا قىزمەتكەرلەرى قىلمىستىق ءىستى تىركەۋ مەن كىنالى تۇلعانى قىلمىستىق جاۋاپكەرشىلىككە تارتۋ بويىنشا ءتيىستى شارالاردى قابىلداماعان»،-دەدى ول.
ۆيتسە-مينيستر كۇدىكتىنىڭ ەكى ايعا سوت سانكتسياسىمەن قاماۋعا الىنعانىن اتاپ ءوتتى.
ەسكە سالساق، 13 قاڭتاردا شىمكەنتتە 21 جاستاعى قىزدىڭ ولىمىنە قاتىستى كۇدىكتى ۇستالعان بولاتىن. 16 قاڭتاردا ءىىم تەرگەۋدى باقىلاۋعا العانىن مالىمدەگەن.
اتىراۋدا جاسوسپىرىمدەر قاۋىپسىزدىگىن كۇشەيتۋ ماقساتىندا پوليتسيا مەن اكەلەر بىرلەسكەن پاترۋلگە شىقتى
