Şymkentte 21 jastaǧy student Nūrai Serıkbaidyŋ ölımıne bailanysty polisiia qyzmetkerlerınıŋ üstınen qylmystyq ıs qozǧaldy. Būl turaly bügın, 22 qaŋtarda IIM vise-ministrı Sanjar Ädılov aitty, dep habarlaidy «Adyrna» tılşısı.
«Qyzmettık tekserıs nätijesınde Işkı ıster ministrlıgı tärtıptık jauapkerşılıkke tartu şaralaryn qabyldady. Polisiia departamentınıŋ basşysy qyzmetınen bosatyldy, onyŋ bırınşı orynbasary da qyzmetınen kettı. Sondai-aq polisiia qyzmetkerlerıne qatysty salǧyrttyq deregı boiynşa qylmystyq ıs qozǧaldy. Is boiynşa polisiia qyzmetkerlerı qylmystyq ıstı tırkeu men kınälı tūlǧany qylmystyq jauapkerşılıkke tartu boiynşa tiıstı şaralardy qabyldamaǧan»,-dedı ol.
Vise-ministr küdıktınıŋ ekı aiǧa sot sanksiiasymen qamauǧa alynǧanyn atap öttı.
Eske salsaq, 13 qaŋtarda Şymkentte 21 jastaǧy qyzdyŋ ölımıne qatysty küdıktı ūstalǧan bolatyn. 16 qaŋtarda IIM tergeudı baqylauǧa alǧanyn mälımdegen.
