اقتوبە وبلىستىق كامەلەتكە تولماعانداردىڭ ىستەرى جونىندەگى مامانداندىرىلعان اۋدانارالىق سوتىندا قوپا اۋىلىندا بولعان وقۋشى ولىمىنە قاتىستى قىلمىستىق ءىس قارالدى، دەپ حابارلايدى "ادىرنا" ۇلتتىق پورتالى.
سوتتالۋشىلاردىڭ بارلىعى — قوپا ورتا مەكتەبىنىڭ 10 جانە 11-سىنىپ وقۋشىلارى. ولارعا قر قىلمىستىق كودەكسىنىڭ «دەنساۋلىققا قاساقانا اۋىر زيان كەلتىرۋ»، «بۇزاقىلىق» جانە «قىلمىستىق قۇقىق بۇزۋشىلىققا سىبايلاس قاتىسۋشىلاردىڭ تۇرلەرى» باپتارى بويىنشا ايىپ تاعىلعان.
سوت ۇكىمىمەن 10-سىنىپ وقۋشىسى جانە 11-سىنىپتىڭ ەكى وقۋشىسى 6 جىل 8 ايعا باس بوستاندىعىنان ايىرىلدى. ولار جازاسىن كامەلەتكە تولماعاندارعا ارنالعان قىلمىستىق اتقارۋ جۇيەسىنىڭ ورتاشا قاۋىپسىز مەكەمەسىندە وتەيدى.
تاعى ءۇش وقۋشى قر قك-ءنىڭ 293-بابىنىڭ 2-بولىگى 1 جانە 3-تارماقتارى بويىنشا كىنالى دەپ تانىلىپ، 1 جىلعا باس بوستاندىعىن شەكتەۋ جازاسىنا كەسىلدى. ال قىلمىستىق كودەكستىڭ 28-بابىنىڭ 3-بولىگى جانە 106-بابىنىڭ 3-بولىگى بويىنشا تاعىلعان ايىپ دالەلدەنبەي، ولار بۇل باپتاردان اقتالىپ، سوت زالىنان بوساتىلدى.
سوت ازاماتتىق تالاپ-ارىزدى ءىشىنارا قاناعاتتاندىردى: سوتتالۋشىلاردىڭ ءبىرىنىڭ زاڭدى وكىلى جابىرلەنۋشى تاراپقا 5 ميلليون تەڭگە مورالدىق وتەماقى تولەيدى، سونداي-اق سوتتالۋشىلار بىرلەسىپ 2 ميلليون تەڭگە قورعاۋشى قىزمەتىنە كەتكەن شىعىندى وتەۋگە مىندەتتەلدى.
سونىمەن قاتار، سۋديا اقتوبە وبلىسىنىڭ ءبىلىم باسقارماسىنىڭ باسشىسىنا جانە وبلىستىق پوليتسيا دەپارتامەنتىنىڭ باستىعىنا جەكەشە قاۋلى شىعاردى.
ەسكە سالا كەتەيىك، بىلتىر اقتوبە وبلىسى قوپا اۋىلىندا وقۋشىلار اراسىنداعى جانجالدان كەيىن ءبىر ءجاسوسپىرىم كوز جۇمعان ەدى.
