پاۆلودار وبلىسى پوليتسيا دەپارتامەنتىنىڭ بۇرىنعى باسشىسى نۇرلان ءماسىموۆ 10 جىلعا سوتتالدى. ۇكىمدى ءوڭىردىڭ اۋدانارالىق سوتى شىعاردى، دەپ حابارلايدى «ادىرنا» ءتىلشىسى.
پروكۋرور بۇعان دەيىن ماسىموۆكە 13 جىل باس بوستاندىعىنان ايىرۋدى سۇراعان بولاتىن. ايىپتالۋشى «پارا الۋ»، «سەنىپ تاپسىرىلعان بوتەن مۇلىكتى يەمدەنىپ الۋ نەمەسە تالان-تاراجعا سالۋ»، «شەكارانى زاڭسىز بۇزىپ ءوتۋ» باپتارى بويىنشا كىنالى دەپ تانىلدى. الايدا ول ءوز كىناسىن مويىندامادى.
سوت نۇرلان ماسىموۆتەن بولەك، ونىڭ ورىنباسارى دامير سيرازيديموۆ پەن كاسىپكەر ەۆگەني ەۆكوۆيچتى 8 جانە 7 جىلعا باس بوستاندىعىنان ايىرۋ تۋرالى ۇكىم شىعاردى.
ەسكە سالايىق، بىلتىر ساۋىردە نۇرلان ماسىموۆكە ىزدەۋ جاريالانعان. كەيىن شىلدەدە ونىڭ رەسەيمەن شەكارادا ۇستالعانى حابارلاندى.
ۇقساس جاڭالىقتار
