اقش پرەزيدەنتى دونالد ترامپ مىنگەن Air Force One ۇشاعى ەلەكترونيكاداعى اقاۋعا بايلانىستى ەندريۋس اۋە بازاسىنا قايتىپ ورالۋعا ءماجبۇر بولدى. بۇل تۋرالى اق ءۇيدىڭ ءباسپاسوز حاتشىسى كەرولاين لەۆيت ايتتى، دەپ حابارلايدى «ادىرنا» ءتىلشىسى.
«ۇشقاننان كەيىن Air Force One ۇشاعىنىڭ ەكيپاجى شاعىن ەلەكترلىك اقاۋدى انىقتادى. قاۋىپسىزدىك ماقساتىندا Air Force One ەندريۋس بىرىككەن بازاسىنا قايتا ورالادى. پرەزيدەنت پەن ونىڭ كومانداسى باسقا ۇشاققا وتىرىپ، شۆەيتسارياعا ساپارىن جالعاستىرادى»،- دەلىنگەن حابارلامادا.
ۇشاقتا ترامپ اكىمشىلىگىنىڭ مۇشەلەرى، سونىڭ ىشىندە مەملەكەتتىك حاتشى ماركو رۋبيو، اكىمشىلىك باسشىسى سيۋزي ۋايلز، كەڭەسشى ستيۆەن ميللەر، لەۆيتت، كوممۋنيكاتسيالار ديرەكتورى ستيۆەن چانگ جانە حاتشىلىق قىزمەت جەتەكشىسى مونيكا كروۋلي بولعان.
كەيىنىرەك Reuters اگەنتتىگى پرەزيدەنت ۇشاعىنىڭ ءساتتى قونعانىن حابارلادى.
ايتا كەتەيىك، بۇگىن ترامپ داۆوستاعى فورۋمدا ءسوز سويلەيدى. شارادان سوڭ پرەزيدەنت دۇنيەجۇزىلىك ەكونوميكالىق فورۋمنىڭ جىل سايىنعى وتىرىسى اياسىندا بىرنەشە مەملەكەت پەن ۇكىمەت باسشىلارىمەن كەزدەسۋدى جوسپارلاپ وتىر. تالقىلاۋلار بارىسىندا اقش-تىڭ گرەنلاندياعا قاتىستى جوسپارلارى ءسوز بولادى دەپ كۇتىلۋدە.
بۇعان دەيىن مەملەكەت باسشىسى قاسىم-جومارت توقاەۆتىڭ 22 قاڭتاردا داۆوس قالاسىنا جۇمىس ساپارىمەن باراتىنىن جازعان ەدىك.
