«Ädıl söz» halyqaralyq qorynyŋ prezidentı Qarlyǧaş Jamanqūlova Qyzylordada ötıp jatqan V Ūlttyq qūryltaida Memleket basşysynan otandyq būqaralyq aqparat qūraldaryna qoldau körsetuın sūrady, dep habarlaidy "Adyrna" ūlttyq portaly.
Jurnalistıŋ aituynşa, aimaqtyq deŋgeidegı mediaresurstardy damytu arqyly öz narrativımızdı özımız qalyptastyruǧa mümkındık bar. Al mediasauatty azamat qoǧamdy syrtqy aqparattyq manipuliasiialardan jäne kiberqauıpterden qorǧaidy.
«Şynaiy, sapaly aqparatqa sūranys azaiǧan joq. Otandyq BAQ bırqatar qiyndyqqa qaramastan, öz jūmysyn jemıstı jalǧastyryp keledı. Osy oraida, Prezident myrza, BAQ-ty qoldauyŋyzdy sūraimyz. 2022 jylǧy Joldauyŋyzda jurnalisterdıŋ qauıpsızdıgı mäselesın köterdıŋız. Alaida täjıribe körsetkendei, Qylmystyq kodekstıŋ 158-baby jurnalisterdı tolyq qorǧai almai otyr. Sondyqtan qūqyqbūzuşylyqtardyŋ bır bölıgın äkımşılık jauapkerşılık sanatyna köşırudı ūsynamyz», — dedı qor basşysy.
Sonymen qatar, Parlament reformasy aiasynda äielderdıŋ 30% kvotasyn saqtap qalu ūsynyldy, būl äielderdıŋ saiasi qatysuyn arttyruǧa baǧyttalǧan.
