يسپانيادا سۋ تاسقىنىنان قازا تاپقاندار اراسىندا قازاقستان ازاماتتارى جوق، دەپ حابارلايدى “ادىرنا” ۇلتتىق پورتالى. بۇل تۋرالى سىرتقى ىستەر مينيسترلىگىنىڭ رەسمي وكىلى مالىمدەدى.
ايبەك سمادياروۆتىڭ سوزىنشە يسپانيادا زارداپ شەككەندەردىڭ اراسىندا ەل ازاماتتارى جوق.
«يسپانيا بيلىگىنىڭ الدىن الا بەرگەن مالىمەتىنە سايكەس، زارداپ شەككەندەر مەن قازا تاپقانداردىڭ اراسىندا قازاقستاندىقتار جوق»، – دەلىنگەن ءسىم وكىلىنىڭ جاۋابىندا.
ەسكە سالا كەتەيىك، يسپانيادا 29 قازان كۇنى نوسەر جاڭبىر باستالدى. سالدارىنان وزەندەر ارناسىنان شىعىپ، ەلدىمەكەندەردى تاسقىن سۋ باستى. قازا تاپقاندار سانى ارتىپ جاتىر.
