شەشەنستان باسشىسى رامزان قادىروۆتىڭ ۇلى ادام قادىروۆ جول-كولىك اپاتىنان كەيىن گروزنىي قالاسىنداعى رەسپۋبليكالىق كلينيكالىق اۋرۋحاناعا جەتكىزىلدى، دەپ حابارلايدى "ادىرنا" ۇلتتىق پورتالى.
بۇل تۋرالى «كاۆكاز.رەالي» باسىلىمى حابارلادى.
باسىلىم مالىمەتىنشە، ادام قادىروۆتىڭ جاعدايى اۋىر. ول جانساقتاۋ بولىمىندە ەس-ءتۇسسىز جاتىر. دەرەككوزدەردىڭ ايتۋىنشا، اۋرۋحاناعا اپارار جولدار ۋاقىتشا جابىلعان.
ال تەلەگرامداعى NIYSO دەرەگىنشە، ادام قادىروۆتى ماسكەۋگە جەتكىزۋ ماسەلەسى قاراستىرىلىپ جاتقانى ايتىلعان.
اتالعان اقپاراتقا بايلانىستى شەشەنستان بيلىگى ازىرگە رەسمي تۇسىنىكتەمە بەرگەن جوق.
ايتا كەتەيىك، 18 جاستاعى ادام قادىروۆ شەشەنستان قاۋىپسىزدىك كەڭەسىنىڭ حاتشىسى قىزمەتىن اتقارادى. 2025 جىلدىڭ ءساۋىر ايىندا ول شەشەن رەسپۋبليكاسىنىڭ ىشكى ىستەر مينيسترلىگىنە كۋراتور بولىپ تاعايىندالعان. سونىمەن قاتار رەسەيدىڭ ارنايى جاساق ۋنيۆەرسيتەتىن، سونداي-اق قورعانىس مينيسترلىگىنە قاراستى بىرقاتار باتالونداردى قاداعالايدى.
