Şeşenstan basşysy Ramzan Qadyrovtyŋ ūly Adam Qadyrov jol-kölık apatynan keiın Groznyi qalasyndaǧy Respublikalyq klinikalyq auruhanaǧa jetkızıldı, dep habarlaidy "Adyrna" ūlttyq portaly.
Būl turaly «Kavkaz.Realii» basylymy habarlady.
Basylym mälımetınşe, Adam Qadyrovtyŋ jaǧdaiy auyr. Ol jansaqtau bölımınde es-tüssız jatyr. Derekközderdıŋ aituynşa, auruhanaǧa aparar joldar uaqytşa jabylǧan.
Al telegramdaǧy NIYSO deregınşe, Adam Qadyrovty Mäskeuge jetkızu mäselesı qarastyrylyp jatqany aitylǧan.
Atalǧan aqparatqa bailanysty Şeşenstan bilıgı äzırge resmi tüsınıkteme bergen joq.
Aita keteiık, 18 jastaǧy Adam Qadyrov Şeşenstan Qauıpsızdık keŋesınıŋ hatşysy qyzmetın atqarady. 2025 jyldyŋ säuır aiynda ol Şeşen Respublikasynyŋ ışkı ıster ministrlıgıne kurator bolyp taǧaiyndalǧan. Sonymen qatar Reseidıŋ arnaiy jasaq universitetın, sondai-aq Qorǧanys ministrlıgıne qarasty bırqatar batalondardy qadaǧalaidy.
