2025 جىل تيمۋر قۇلىباەۆتىڭ Halyk قورى ءۇشىن بەرەكەلى ءارى ناتيجەلى كەزەڭ بولدى. قور وڭىرلەردە ناقتى ىستەرگە باسىمدىق بەرىپ، الەۋمەتتىك جوبالاردى كەڭىنەن جۇزەگە اسىردى. جىل قورىتىندىسىندا حالىق سەنىمى تاعى ءبىر مارتە دالەلدەندى. استانادا وتكەن «حالىقتىڭ سۇيىكتىسى» ۇلتتىق سىيلىعىن تاپسىرۋ راسىمىندە Halyk قورى جۇزەگە اسىرىپ جاتقان باستامالار جوعارى باعالاندى.
بىلتىر قور 60 الەۋمەتتىك جوبانى ىسكە اسىرىپ، جالپى سوماسى 10,3 ملرد تەڭگە كولەمىندە قولداۋ كورسەتتى. بۇل باستامالار ءبىلىم بەرۋ، ەكولوگيا، الەۋمەتتىك قولداۋ، ينفراقۇرىلىم جانە تسيفرلىق دامۋ باعىتتارىن قامتىدى.
جىلدىڭ ءىرى جوبالارى
Halyk ورمانى - ەكولوگياعا سالىنعان ۇزاقمەرزىمدى ينۆەستيتسيا. قوردىڭ ەكولوگيالىق باعىتى دا بىلتىر ايقىن كورىندى. Halyk ورمانى باستاماسى اياسىندا بەس جىلدا 4 ملن-نان اسا كوشەت ەگۋ جوسپارلانعان. 2025 جىلدىڭ قورىتىندىسىندا ىلە-الاتاۋى ۇلتتىق پاركىندە، «سەمەي ورمانى» اۋماعىندا جانە استانانىڭ جاسىل بەلدەۋىندە 850 مىڭ كوشەت ەگىلدى.
«تالىمگەر» جوباسى اياسىندا ماڭعىستاۋ وبلىسىنىڭ مەكتەپتەرى مەن كوللەدجدەرىندە «كاسىپكەرلىك جانە بيزنەس نەگىزدەرى» ءپانى ەنگىزىلىپ، 230 پەداگوگ پەن كاسىبي باعدار بەرۋشى ارنايى دايارلىقتان ءوتتى.
AUYL SPORT – 20 مىڭ بالانىڭ ارمانىن ورىنداعان الاڭ. جوبانىڭ وسىنداي ناقتى اسەرى مەن كەڭ اۋقىمى ناتيجەسىندە حالىق تاڭداۋى بويىنشا «جىلدىڭ ۇزدىك جوباسى» اتانىپ، «حالىقتىڭ سۇيىكتىسى» سىيلىعىنا يە بولدى.
AUYL SPORT – اۋىلداردا بالالار اراسىندا بۇقارالىق سپورتتى دامىتۋدى ماقسات ەتكەن جوبا. ول اۋىل بالاسىنا ۇلكەن سپورتتىڭ ەسىگىن اشىپ قانا قويماي، سەنىم مەن جىگەر سىيلادى.
بىلتىر جوبانىڭ ەكىنشى ماۋسىمى ءوتتى. 300 اۋىلدان 11 700 بالا قاتىسىپ، سپورتتىڭ 7 ءتۇرى بويىنشا ءوزارا باق سىنادى. ايتا كەتەيىك، 2025 جىلى AUYL SPORT جەڭىمپازدارى قازاقستان قۇراماسىنىڭ ساپىندا سەربياداعى گيمنازياداسىنداعا قاتىسىپ، قورجىنعا التىن بايلاپ كەلگەن.
«AUYL SPORT جوباسىنىڭ “حالىقتىڭ سۇيىكتىسى” بايقاۋىندا “جىلدىڭ ۇزدىك جوباسى” اتانۋى – ءبىز ءۇشىن ەرەكشە مارتەبە. بۇل، ەڭ الدىمەن، اۋىلداعى مىڭداعان بالانىڭ ەڭبەگى مەن تالپىنىسىنا بەرىلگەن باعا. 2025 جىل Halyk قورى ءۇشىن اۋقىمدى جوبالار مەن جارقىن جەڭىستەرگە تولى بولدى. ءبىز اۋىلداعى بالالاردى سپورتقا باۋلۋ ءۇشىن الدىمەن ينفراقۇرىلىمدى دامىتۋ قاجەت ەكەنىن ءتۇسىنىپ، وسى باعىتتا دا جۇيەلى جۇمىس اتقاردىق»، – دەدى Halyk قورىنىڭ اتقارۋشى ديرەكتورى عالىمبەك جاقسىلىقوۆ.
2025 جىلى Halyk قورى اۋىلداعى بالالار سپورتىمەن قاتار، وڭىرلەردە سپورت ينفراقۇرىلىمىن كۇشەيتۋگە دە باسىمدىق بەردى.
وسى باعىتتا:
● جاڭاوزەندە دەنە شىنىقتىرۋ-ساۋىقتىرۋ كەشەنىنىڭ قابىرعاسى كوتەرىلدى;
● تارازدا FIFA جانە UEFA ستاندارتتارىنا ساي فۋتبول اكادەمياسىنىڭ قۇرىلىسىنا قولداۋ كورسەتىلدى.
سونىمەن قاتار، قور ءبىلىم مەن تەحنولوگيانى ۇشتاستىرعان بىرقاتار جوبالارعا سەرپىن بەردى. AI Summer School, ACG-2025 جانە IT-FEST اياسىندا وقۋشىلارعا ارنالعان جاڭا فورماتتاعى تاجىريبەلىك الاڭدار قالىپتاستى. «ارىستان» ليتسەيىندە كيبەرقاۋىپسىزدىك جارىستارى ءوتىپ، وقۋ كابينەتى دروندارمەن جابدىقتالدى.Halyk قورى ءبىلىم بەرۋ، سپورت، مادەنيەت جانە الەۋمەتتىك قولداۋ باعىتىنداعى جوبالارىن دا جۇيەلى تۇردە جالعاستىردى.
- HALYQ STUDENTI گرانتتىق باعدارلاماسى اياسىندا 20 دارىندى ستۋدەنت بىلىم الىپ جاتىر;
- SOS بالالار اۋىلدارى جوباسى بويىنشا 2019 جىلدان بەرگى تۇراقتى قولداۋدىڭ ناتيجەسىندە 2025 جىلى استانادا ينتەگراتسيالانعان جاسوسپىرىمدەر ءۇيى اشىلىپ، الماتىداعى «اسار» داعدارىس ورتالىعىنا كومەك كورسەتىلدى. وسى باستامالاردىڭ ارقاسىندا 2500-دەن استام بالا وتباسىندا قالدى.
- الماتىدا الەۋمەتتىك وسال وتباسىلاردىڭ ۇيلەرىن گازداندىرۋ جوباسىنىڭ ءبىرىنشى كەزەڭى اياقتالدى. جوبا اياسىندا قاجەتتى بارلىق جابدىق Halyk قورىنىڭ قولداۋىمەن تولىق ورناتىلدى. اتاپ ايتقاندا، گاز ەسەپتەگىشتەر، گاز پليتالارى، رادياتورلار، ىشكى جىلىتۋ جۇيەسىنىڭ قۇبىرلارى مەن وزگە دە تەحنيكالىق جابدىقتار قويىلىپ، مونتاج جانە ىسكە قوسۋ جۇمىستارى جۇرگىزىلدى.
ايتا كەتەيىك، قايىرىمدىلىقپەن اينالىساتىن Halyk قورى بىلتىر دا «حالىقتىڭ سۇيىكتىسى» اتانىپ، جۇرت سەنىمى مەن ىقىلاسىنا لايىق ەكەنىن تاعى ءبىر مارتە دالەلدەگەن ەدى.
