قازاقستاننىڭ عىلىم جانە جوعارى ءبىلىم مينيسترلىگى بيىل ستۋدەنتتەرگە توسەك-ورىن تاپشىلىعى بولاتىنىن بولجاپ وتىر. سوندىقتان 10 مىڭ ورىندىق 35 جاتاقحانا پايدالانۋعا بەرىلدى، دەپ حابارلايدى “ادىرنا” ۇلتتىق پورتالى.
ءمينيستردىڭ بولجامى بويىنشا، جاڭا وقۋ جىلى ءداستۇرلى فورماتتا وتەدى جانە ستۋدەنتتىك جاتاقحانالاردا ورىن تاپشىلىعى تۋىنداۋى مۇمكىن. بۇل ماسەلە اسىرەسە ءىرى جوعارى وقۋ ورىندارى كوپ شوعىرلانعان قالالاردا وزەكتى بولىپ تابىلادى.
ستۋدەنتتەرگە ارنالعان جاتاقحانا قۇرىلىسى ماسەلەسىنە ارنالعان جيىندا عىلىم جانە جوعارى ءبىلىم ءمينيسترى ساياسات نۇربەك جوو رەكتورلارىنا جاتاقحانالارعا رەۆيزيا جۇرگىزىپ، توسەك-ورىن سانىن ارتتىرۋ بويىنشا ۇسىنىستار ازىرلەۋدى تاپسىردى. سونداي-اق، ۋنيۆەرسيتەتتەرگە جاقىن ورنالاسقان جاتاقحانالار مەن قوناق ۇيلەردىڭ(حوستەلدەر) جۇمىس جاساۋ تاجىريبەسىن قولدانۋ قاجەتتىگىن اتاپ ءوتتى.
2018-2021 جىلدار ارالىعىندا قازاقستاندا بارلىعى 30 630 ورىندىق 124 نىسان پايدالانۋعا بەرىلدى، ونىڭ ىشىندە 2021 جىلى 10 364 ورىندىق 49 عيمارات پايدالانۋعا بەرىلگەن.
“ادىرنا” ۇلتتىق پورتالى
