اقتوبە وبلىسىنىڭ قاندىاعاش قالاسىندا بۇرىنعى يمام، قازىرگى تەولوگ ايەلىنە زورلىق-زومبىلىق كورسەتىپ، تۋىستارىمەن ارالاستىرماي قويعان. بۇل تۋرالى اقپاراتتى ايەلدىڭ ءسىڭلىسى الەۋمەتتىك جەلىدە تاراتقان، دەپ حابارلايدى “ادىرنا” ۇلتتىق پورتالى.
Instagram-داعى abdulla_kz_kz پاراقشاسىندا جازعانداي، ءسىڭلىسىنىڭ ايتۋىنشا، جەزدەسى اپكەسىنە بىرىڭعاي جىندار مەن توزاق تۋرالى اڭگىمە ايتىپ، ونى ادام تانىماستاي وزگەرتىپ تاستاعان. زورلىق-زومبىلىققا ۇشىراعان كەلىنشەك اۋىرىپ قالعان. ال كۇيەۋى مەديتسينالىق قىزمەتكە جۇگىنبەي، ءدىن جولىمەن ەمدەمەكشى بولىپ، جاعدايىن ودان ارى ناشارلاتقان.
“ساپ-ساۋ اپكەمدى جەزدەم ۇرىپ، جىندى ەتىپ قويدى. اپكەمنىڭ تۇك جازىعى جوق ەدى. وتە جۋاس بولاتىن. ءتىپتى، ءدىندى جاقسى ۇستانادى. بوتەن ەر ادامدارمەن سويلەسپەيتىن. جولداسى مەكتەپ كەزىندەگى دوستارىمەن سويلەسۋگە تىيىم سالعان. تۋىستارى بار چاتتان شىعارىپ جىبەرگەن. اپكەم ەرىنە باعىنعان يناباتتى كەلىنشەك بولدى. ال سوڭىندا ءوزى دالادا قالدى”، - دەيدى ءسىڭلىسى.
