اقش 21 قاڭتاردان باستاپ 75 ەلدىڭ ازاماتىنا، سونىڭ ىشىندە قازاقستان، قىرعىزستان، وزبەكستان، رەسەي جانە يران ازاماتتارىنا يمميگراتسيالىق ۆيزالاردى راسىمدەۋدى ۋاقىتشا توقتاتاتىنىن مالىمدەدى، دەپ حابارلايدى «ادىرنا» ءتىلشىسى Fox News-كە سىلتەمە جاساپ.
اقپاراتتى اقش مەملەكەتتىك دەپارتامەنتى راستادى.
يمميگراتسيالىق ۆيزا – اقش-تا تۇراقتى تۇرۋعا، ياعني گرين-كارتا الۋعا مۇمكىندىك بەرەتىن ۆيزا. ونىڭ تۋريستىك (B1/B2), ستۋدەنتتىك (F-1) نەمەسە ۋاقىتشا جۇمىس ۆيزالارىنا (H-1B, L-1) قاتىسى جوق.
بەلگىلەنگەن ەلدەردىڭ تولىق تىزىمىنە اۋعانستان، ارمەنيا، برازيليا، يراك، بانگلادەش، باربادوس، بەلارۋس، بەليز، يەمەن، سومالي، نيگەريا، كامبودجا، كامەرۋن، كابو-ۆەردە، كولۋمبيا، كوت-د’يۆۋار، كۋبا، يامايكا، يوردانيا، تانزانيا، تايلاند، توگو، تۋنيس، ۋگاندا، ۋرۋگۆاي جانە تاعى باسقا ەلدەر كىرەدى.
مەملەكەتتىك دەپارتامەنتتىڭ ايتۋىنشا، بۇل شارا يمميگراتسيالىق جۇيەنى پايدالانىپ، الەۋمەتتىك قامسىزداندىرۋعا تاۋەلدى بولۋدى جوسپارلايتىن ازاماتتاردى شەكتەۋ ءۇشىن ەنگىزىلگەن.
سونداي-اق 38 ەلدىڭ ازاماتى تۋريستىك جانە ىسكەرلىك ۆيزالارعا ءوتىنىش بەرگەندە $5–15 مىڭ ارالىعىندا ۆيزالىق كەپىلدىك تولەۋگە مىندەتتى بولادى. بۇل تىزىمدە تاجىكستان، قىرعىزستان جانە تۇركىمەنستان ەلدەرى بار.
بۇعان دەيىن اقش ورتالىق ازيا ازاماتتارىنا ۆيزا بەرۋ ءتارتىبىن قاتاڭداتقان ەدى.
