AQŞ 21 qaŋtardan bastap 75 eldıŋ azamatyna, sonyŋ ışınde Qazaqstan, Qyrǧyzstan, Özbekstan, Resei jäne İran azamattaryna immigrasiialyq vizalardy räsımdeudı uaqytşa toqtatatynyn mälımdedı, dep habarlaidy «Adyrna» tılşısı Fox News-ke sılteme jasap.
Aqparatty AQŞ Memlekettık departamentı rastady.
İmmigrasiialyq viza – AQŞ-ta tūraqty tūruǧa, iaǧni grin-karta aluǧa mümkındık beretın viza. Onyŋ turistık (B1/B2), studenttık (F-1) nemese uaqytşa jūmys vizalaryna (H-1B, L-1) qatysy joq.
Belgılengen elderdıŋ tolyq tızımıne Auǧanstan, Armeniia, Braziliia, İrak, Bangladeş, Barbados, Belarus, Beliz, Iemen, Somali, Nigeriia, Kambodja, Kamerun, Kabo-Verde, Kolumbiia, Kot-d’İvuar, Kuba, Iаmaika, İordaniia, Tanzaniia, Tailand, Togo, Tunis, Uganda, Urugvai jäne taǧy basqa elder kıredı.
Memlekettık departamenttıŋ aituynşa, būl şara immigrasiialyq jüienı paidalanyp, äleumettık qamsyzdandyruǧa täueldı boludy josparlaityn azamattardy şekteu üşın engızılgen.
Sondai-aq 38 eldıŋ azamaty turistık jäne ıskerlık vizalarǧa ötınış bergende $5–15 myŋ aralyǧynda vizalyq kepıldık töleuge mındettı bolady. Būl tızımde Täjıkstan, Qyrǧyzstan jäne Türkımenstan elderı bar.
Būǧan deiın AQŞ Ortalyq Aziia azamattaryna viza beru tärtıbın qataŋdatqan edı.
