استانادا سوتى ايەل مەن ونىڭ اۋتيزم دەرتىنە شالدىققان بالاسىنا دورەكىلىك تانىتقان تاكسي جۇرگىزۋشىسىنە قاتىستى ۇكىم شىعاردى، دەپ حابارلايدى "ادىرنا" ۇلتتىق پورتالى.
الەۋمەتتىك جەلىدە ايەل ادام تاكسي جۇرگىزۋشىسىنىڭ ارەكەتىن ايتتى. ول ايەلدىڭ اۋتيزممەن اۋىراتىن ۇلىنا قول كوتەرگەن كورىنەدى.
وقيعا بولعان كۇنى اۋا رايى جاڭبىرلى بولعان. ايەل ءوز بالاسىنىڭ شالشىق سۋدى باسىپ، ابايسىزدا كولىكتىڭ سالونىن كىرلەتىپ العانىن ايتادى. ارتىنشا ول تاكسي جۇرگىزۋشىسىنەن كەشىرىم سۇراپ، بارلىعىن دىمقىل مايلىقتارمەن سۇرتكەن. الايدا ەر ادام بۇل وقيعاعا اگرەسسيۆتى تۇردە جاۋاپ بەرىپ، بالانى شىنتاعىمەن ۇرىپ، داۋىس كوتەرگەن. بۇل تۋرالى بالانىڭ اناسى ايتتى.
«مۇنداي جاعدايمەن ءبىرىنشى رەت كەزدەسىپ تۇرمىن. ولار كارتامەن جۇرەدى عوي، سول كارتا بويىنشا كەلگەن جاقتا جول جابىق بولىپ شىقتى، ول اشۋلانا باستادى. ول جاقتا جولدىڭ جابىق ەكەنىن قايدان بىلەيىن؟ مەن ءۇنسىز وتىردىم، ويتكەنى بۇل ادام مەنەن ءۇش ەسە ۇلكەن. جەتكەن سوڭ ول كولىكتەن ءتۇسىپ، ماعان ايعايلاي باستادى. مەن ول ادامنان قورقىپ، ەشتەڭەگە جاۋاپ بەرمەدىم. "ياندەكس.تاكسي" جۇرگىزۋشىلەردى قالاي تاڭدايتىنىن تۇسىنبەيمىن»، – دەيدى جابىرلەنۋشى.
ياندەكس.تاكسي ءباسپاسوز قىزمەتى مالىمدەمە جاسادى.
«سيپاتتالعان مىنەز-قۇلىققا جول بەرىلمەۋى كەرەك. ءبىز دەرەۋ جولاۋشىمەن بايلانىسىپ، رەسمي ءوتىنىش بويىنشا قۇقىق قورعاۋ ورگاندارىنا جاعدايدى انىقتاۋعا كومەكتەسۋگە دايىن ەكەنىمىزدى جەتكىزدىك»، – دەلىنگەن حابارلامادا.
جابىرلەنۋشىنىڭ ارىزى سوتقا جەتىپ، تاكسي جۇرگىزۋشىسىنىڭ ۇستىنەن قىلمىستىق ءىس قوزعالعان.
«سوت جاۋاپتىلىقتى جەڭىلدەتەتىن نەمەسە اۋىرلاتاتىن ءمان-جايلاردى انىقتاعان جوق. جوعارىدا كورسەتىلگەن ءمان-جايلاردى ەسكەرە وتىرىپ، سوت قاۋلىسىمەن ول اكىمشىلىك قۇقىق بۇزۋشىلىقتى جاساعانى ءۇشىن كىنالى دەپ تانىلىپ، وعان تاۋلىككە قاماۋعا الۋ تۇرىندەگى اكىمشىلىك جازا تاعايىندالدى»، – دەلىنگەن سوتتىڭ حابارلاماسىندا.
سوت قاۋلىسى زاڭدى كۇشىنە ەنگەن جوق.
