Jelıde Işkı ıster ministrlıgıne qarasty «Sūŋqar» arnaiy jasaǧynyŋ qyzmetkerıne şabuyl jasaldy degen aqparat tarady. Astana qalalyq polisiia departamentı būl oqiǧaǧa tüsınıkteme berdı, dep habarlaidy «Adyrna» tılşısı.
PD mälımetınşe, 21 jastaǧy er adam avtokölık jürgızuşısıne aŋşylyq myltyqtan oq atyp, keiın oqiǧa ornynan qaşyp ketken.
«Oqiǧa ornyna polisiia qyzmetkerlerı jedel jettı. Jürgızılgen jedel-ızdestıru şaralary barysynda küdıktı ūstaldy», – delıngen habarlamada.
Polisiia jäbırlenuşınıŋ qūqyq qorǧau organdarynyŋ qyzmetkerı ekenın rastady.
«Qazırgı uaqytta sotqa deiıngı tergeu jürgızılıp jatyr. Myltyq tärkılendı. Jäbırlenuşı – qūqyq qorǧau organdarynyŋ qyzmetkerı, ol oqiǧa kezınde eŋbek demalysynda bolǧan», – dep naqtylady PD.
Tergeu müddesıne bailanysty basqa aqparat jariia etılmeidı.
