بەرلين حالىقارالىق كينوفەستيۆالىندە قازاقستاندىق مۋلتيديستسيپلينارلىق سۋرەتشى الماگۇل مەڭلىباەۆانىڭ قىسقامەتراجدى انيماتسيالىق ءفيلمى ۇسىنىلادى، دەپ حابارلايدى «ادىرنا» ءتىلشىسى 98.mag.kz-كە سىلتەمە جاساپ.
«Qantar 2022» تۋىندىسى Forum Special باعدارلاماسىنا ەنگەن. بۇل سەكتسيا «ادام بولىڭىزدار، شىندىقتى ايتىڭىزدار» ۇرانىمەن وتەدى.
مەڭلىباەۆا ءفيلمدى 2022 جىلعى قاڭتار وقيعالارىنا ارناعان. كارتينا جاساندى ينتەللەكت كومەگىمەن جاسالعان.
ايتۋ كەتەيىك، 76-شى بەرلين حالىقارالىق كينوفەستيۆالى 12–22 اقپان ارالىعىندا وتەدى.
الماگۇل مەڭلىباەۆا – ءوز ونەرىندە الەۋمەتتىك جانە ەكولوگيالىق ماڭىزدى ماسەلەلەردى كوتەرىپ جۇرگەن زاماناۋي سۋرەتشى. ت. جۇرگەنوۆ اتىنداعى مەملەكەتتىك تەاتر-كوركەمسۋرەت ينستيتۋتىنىڭ بەزەندىرۋ جانە قولونەر فاكۋلتەتىن تامامداعان. ونىڭ شىعارماشىلىعى ايماقتاعى مادەني، تاريحي جانە الەۋمەتتىك-ساياسي پروتسەستەردى تەرەڭ زەرتتەۋىمەن ەرەكشەلەنەدى. مەڭلىباەۆانىڭ شىعارماشىلىعى كەسكىندەمە، گرافيكا، ۆيدەو، فوتوسۋرەت، قويىلىم جانە تەكستيل سياقتى كەڭ اۋقىمدى تاسىلدەردەن تۇرادى. سۋرەتشى جۇمىستارىندا ايەلدىڭ ءرولى، ۇلتتىق بولمىس، ەكولوگيا، ەنەرگيا، نەوكولونياليزم سياقتى ماڭىزدى تاقىرىپتاردى زەرتتەيدى، سونىڭ ىشىندە ورتالىق ازيا حالىقتارىنىڭ كوسمولوگياسى مەن ميفولوگياسىن شەبەر ۇيلەستىرۋ دە بار. مەڭلىباەۆا وتكەن مەن بۇگىندى جالعاي وتىرىپ، ايماقتاعى ترانسفورماتسياعا بىرەگەي كوزقاراس ۇسىنادى.
