سۋ رەسۋرستارى جانە يرريگاتسيا ءمينيسترى نۇرجان نۇرجىگىتوۆ ۇكىمەت وتىرىسىندا سىرداريا وزەنى ارقىلى قازاقستانعا كەلەتىن سۋدىڭ كولەمى ازايىپ جاتقانىن «وبەكتيۆتى شىندىق» دەپ اتادى، دەپ حابارلايدى "ادىرنا" ۇلتتىق پورتالى.
ءمينيستردىڭ ايتۋىنشا، ساراپشىلار الداعى ۆەگەتاتسيالىق كەزەڭدە قازاقستاننىڭ وڭتۇستىگىندەگى وزەن باسسەيندەرىندە سۋ اعىنىنىڭ قىسقارۋىن بولجاۋدا.
"سىرداريا وزەنىنىڭ جوعارعى اعىسىندا، كورشى مەملەكەتتەر اۋماعىندا ورنالاسقان سۋ قويمالارىنىڭ قازىرگى تولۋى وتكەن جىلدىڭ وسى كەزەڭىمەن سالىستىرعاندا 3,2 ملرد تەكشە مەترگە تومەن", — دەدى نۇرجان نۇرجىگىتوۆ.
ونىڭ مالىمەتىنشە، 12 قاڭتارداعى جاعداي بويىنشا ەلىمىزدىڭ وڭتۇستىگىندەگى سۋ قويمالارىنداعى سۋ كولەمى وتكەن جىلمەن سالىستىرعاندا 1,9 ملرد تەكشە مەترگە ازايعان.
مينيستر بۇل جاعدايدى كۇز-قىس مەزگىلىندەگى جاۋىن-شاشىننىڭ ازايۋىمەن، مۇزدىقتار اعىنىنىڭ قىسقارۋىمەن جانە كليماتتىڭ وزگەرۋىمەن بايلانىستىردى.
"بۇل فاكتورلار ۇزاق مەرزىمدى سيپاتقا يە جانە وعان جۇيەلى تۇردە بەيىمدەلۋ قاجەت", — دەدى ۆەدومستۆو باسشىسى.
