وقۋ-اعارتۋ ءمينيسترى عاني بەيسەمباەۆ ءبىلىم سالاسىنداعى جەمقورلىققا قاتىستى پىكىر ءبىلدىردى، دەپ حابارلايدى "ادىرنا" ۇلتتىق پورتالى.
ۇكىمەت وتىرىسىنان كەيىن جۋرناليستەر مينيسترگە «سوڭعى كەزدەرى الماتى نەمەسە تۇركىستان وبلىستانداعى ءبىلىم باسقارماسى نەمەسە ءبىلىم ءبولىمىنىڭ باسشىلارى جۇزدەگەن ميلليون تەڭگەنىڭ جەمقورلىعى بويىنشا ۇستالىپ جاتىر. ءتىپتى ولاردىڭ ىشىندە ءوز وزىنە قول جۇمساعان ادامدار بار. وسى دۇنيە ءسىزدى الاڭداتپاي ما؟ ءبىلىم سالاسىنداعى جەمقورلىق بالالارعا ساپالى ءبىلىم بەرۋگە كەدەرگى كەلتىرمەي مە؟ بۇل ماسەلەدە ءوزىڭىزدى ايىپتىمىن دەپ ەسەپتەمەيسىز بە؟» دەپ سۇراق قويدى.
"جالپى سىزگە بەلگىلى وقۋ-اعارتۋ مەنەن جەمقورلىق سايكەس كەلمەيتىن ۇعىمدار. سوندىقتان دا بىلتىر ءبىز سىبايلاس جەمقورلىق اگەنتتىگىمەن بىرلەسە وتىرىپ وسى سالداعى ماسەلەلەردى تولىققاندى زەرتتەۋگە كىرىستىك. سول باعىتتا جول كارتاسى ازىرلەندى، مەن بىرنەشە رەت مەكتەپ جانە ءبىلىم باسقارماسى مەن ءبىلىم ءبولىمىنىڭ باسشىلارىمەنەن كوپتەگەن كەزدەسۋ، سەمينارلار وتكىزدىك. سوندىقتان دا قازىر كوپ انىقتالىپ جاتقان جاعدايلار ياعني، 2020 جىلدان باستاپ جىبەرىلگەن قاتەلىكتەر شىعىپ جاتىر. بۇل ءبىزدىڭ بىرلەسكەن جۇمىسىمىز. جالپى بۇل سالادا جەمقورلىق اتىمەن بولماۋى ءتيىس، تازالىق بولۋى كەرەك. سوندىقتان بۇل باعىتتا ءبىز بارلىعىمىز بىرلەسكەن جۇمىس جاساۋىمىز كەرەك", – دەدى مينيستر.
اسحات ايماعامبەتوۆ 2019 جىلدىڭ 13 ماۋسىم كۇنى ءبىلىم جانە عىلىمي ءمينيسترى بولىپ تاعايىندالدى. دەمەك عاني بەيسەمباەۆ «2020 جىلدان باستاپ جىبەرىلگەن قاتەلىكتەر شىعىپ جاتىر» دەپ اسحات ايماعامبەتوۆتى ايىپتاعانداي بولدى.
