11 qaŋtar künı Şymkentte 21 jastaǧy qyz pyşaq jaraqatynan köz jūmdy. Qylmystyŋ bolǧanyn qala polisiiasy rastady, dep habarlaidy "Adyrna".
Polisiia ökılderı qyzdyŋ ölımıne qatysy bar degen küdıktınıŋ jeke basyn anyqtady. Vedomstvo qylmystyq ıs qozǧady.
«Küdıktınıŋ jeke basy anyqtaldy. Aldyn ala mälımetke säikes, ol marqūmmen būryn tanys bolǧan. Qazırgı uaqytta ony ūstau jäne qylmystyq jauapkerşılıkke tartu maqsatynda barlyq qajettı jedel-ızdestıru ıs-şaralary jürgızılıp jatyr. Qylmystyq-prosestık kodekstıŋ 201-babyna säikes, tergeu müddesıne bailanysty özge aqparat jariia etuge jatpaidy, – delıngen Şymkent qalasy Polisiia departamentı taratqan aqparatta.
Otyrar.kz portaly taratqan beinejazbadan tärtıp saqşylarynyŋ qolynda beinebaqylau kameralarynan alynǧan jazba baryn köruge bolady. Sondai-aq qylmys köşede jasaluy mümkın degen boljam bar. Polisiia azamattardy rastalmaǧan aqparatty taratpauǧa jäne tek resmi derekközderge senuge şaqyrdy.
