قىرىمدىق 7 جاسار دميتري نازاروۆ اكەسىمەن بىرگە ەلبرۋستىڭ شىعىس شىڭىن باعىندىردى، دەپ حابارلايدى «ادىرنا» ءتىلشىسى.
جاس ءالپينيستىڭ اكەسى — قىرىم استروفيزيكالىق وبسەرۆاتورياسىنىڭ عىلىمي قىزمەتكەرى.
«شىڭعا 17 تامىز كۇنى ساعات 11-دە شىقتىق، كوتەرىلۋ ۋاقىتى 13 ساعاتقا سوزىلدى. ءبىز ەلبرۋستىڭ شىعىس شىڭىنا كوتەرىلدىك، ونىڭ بيىكتىگى – 5621 مەتر»، — دەدى سەرگەي نازاروۆ.
ايتۋىنشا، جورىققا اكەلى-بالالى ەكەۋىنەن بولەك تاعى ەكى ەرەسەك ادام قاتىسقان. جاياۋ بولىك 2300 مەتر بيىكتىكتەن باستالعان. اۋا رايىنىڭ قولايسىزدىعىنا بايلانىستى مارشرۋتتىڭ ءبىر بولىگى تۇندە ءجۇرىپ وتىلگەن. وتتەگىنىڭ جەتىسپەۋى مەن تومەن تەمپەراتۋرادان ءتىپتى ەرەسەكتەردىڭ ءوزى قيىندىق كورگەن، دەگەنمەن ەكسپەديتسيا ءساتتى اياقتالعان.
«7 جاسار دميتري نازاروۆتىڭ جەتىستىگىن رەسەي رەكوردتار كىتابىنا ەنگىزۋگە نەگىز بار. قاجەتتى قۇجاتتاردى جىبەردىم، قازىر وسى جەتىستىككە قاتىستى ماتىندىك سيپاتتاما دايىنداپ جاتىرمىن»، — دەدى اكەسى.
ونىڭ ايتۋىنشا، بالا شىڭنان كەيىن ءوزىن جاقسى سەزىنگەن.
بۇعان دەيىن تاعى ءبىر الپينيست بەس كۇن بويى اشىعىپ، تەك شاي مەن سۋ ءىشىپ، ەلبرۋستىڭ ەكى شىڭىن ءبىر كۇندە باعىندىرىپ، رەكورد ورناتقان بولاتىن.
