جاقىن كۇندەرى رەسەيدەگى قاجى-تارحان [استراحان] وبلىسىنىڭ قازاقستانمەن شەكاراسىندا موبيليزاتسيا پۋنكتى قۇرىلىپ، قازاقستانعا وتپەكشى بولعان اسكەر جاسىنداعى ازاماتتارعا شاقىرۋ قاعازى تاپسىرىلادى، دەپ حابارلايدى "ادىرنا" ۇلتتىق پورتالى.
استراحان وبلىسى اكىمىنىڭ ءباسپاسوز قىزمەتىنىڭ ايتۋىنشا، "قاراوزەك" باقىلاۋ-وتكىزۋ بەكەتى مۋنيتسيپاليتەت اۋماعىندا ورنالاسقان ءارى قازاقستانعا قاراي كولىكتەر وتەتىن نەگىزگى بەكەت.
"قازىر مۇندا ەلدەن كەتكىسى كەلەتىندەردىڭ ۇزىن سونار كەزەگى قالىپتاستى. ولاردىڭ اراسىندا اسكەر جاسىنداعى ەر ادامدار كوپ", - دەدى استراحان وبلىسى اكىمىنىڭ ءباسپاسوز قىزمەتى.
سونىمەن قاتار، اكىمدىك قىزمەتكەرلەرى بەكەتتە فەدەرالدى تىركەۋمەن كەتكەندەردىڭ قۇجاتتارىن تەكسەرۋ باستالعانىن، اسكەرگە بارۋ كريتەريلەرىنە سايكەس كەلەتىندەر مەن موبيليزاتسيادان سەبەپسىز قاشقانداردى شەكارادان تىسقارى شىعارمايتىنىن اتاپ ءوتتى.
"ادىرنا" ۇلتتىق پورتالى
