شىمكەنتتە جولداعى بۇزاقىلىق پەن كىسى ولىمىنە قاتىستى كۇدىككە ىلىنگەن ءتورت ادام ۇستالدى. بۇل تۋرالى قالالىق پوليتسيا دەپارتامەنتى ايتتى، دەپ حابارلايدى «ادىرنا» ءتىلشىسى.
«كۇدىكتىلەر ۋاقىتشا ۇستاۋ يزولياتورىنا قاماۋعا الىندى. قازىرگى ۋاقىتتا جەدەل-ىزدەستىرۋ شارالارى جالعاسۋدا»،-دەلىنگەن حابارلامادا.
ايتا كەتەيىك، 20 قاڭتاردا جول اپاتى بولىپ، سوڭى جاپپاي توبەلەسكە ۇلاسقان ەدى. سالدارىنان 40 جاستاعى ەر ادام كوز جۇمعان, تاعى ءبىر ازامات اۋرۋحاناعا جەتكىزىلگەن.
اتالعان جايت بويىنشا «ادام ءولتىرۋ»، «بۇزاقىلىق» جانە «ادامدى ۇرلاۋ» باپتارىمەن قىلمىستىق ءىس قوزعالعان.
«كۇدىكتىلەردى انىقتاپ، ۇستاۋ ماقساتىندا پوليتسيا دەپارتامەنتىنىڭ بارلىق كۇشتەرى مەن قۇرالدارى جۇمىلدىرىلدى. قىلمىستىق ءىستىڭ بارلىق ءمان-جايىن انىقتاۋعا باعىتتالعان كەشەندى تەرگەۋ ءىس-شارالارى جۇرگىزىلۋدە»،-دەپ تولىقتىردى پد ءباسپاسوز قىزمەتى.
