Ükımet otyrysynda Aqmola oblysynyŋ äkımı Marat Ahmetjanov öŋırdıŋ negızgı salasy – auyl şaruaşylyǧyn sifrlandyruǧa erekşe köŋıl bölıngenın atap öttı.
«Öŋırde agrarlyq öndırıstıŋ tiımdılıgın arttyru maqsatynda Auyl şaruaşylyǧy ministrlıgımen bırlesıp, «aqyldy AÖK» modelı engızılude. Bız agrarşylardy memlekettık qoldau jüiesı arqyly yntalandyrudy josparlap otyrmyz, ony «bır batyrma arqyly» alu qaǧidatyna köşıremız. Būl rette jasandy intellekt jerlerdıŋ nysanaly paidalanyluyn baǧalaidy, sonyŋ nätijesınde adal şaruaşylyqtarǧa memlekettık qoldau körsetıluı kepıldendırıledı», – dep atap öttı öŋır basşysy.
Sondai-aq auyl şaruaşylyǧy käsıporyndarynyŋ jūmysynda jasandy intellektını praktikalyq qoldanu boiynşa pilottyq joba ıske asyryldy. Atap aitqanda, aldyŋǧy qatarly «Diqan plius» şaruaşylyǧynda Jİ öndırıstık siklderdı taldap, önım joǧaltu sebepterın anyqtap, tehnologiialyq jetıldıruler ūsyndy. Būl şeşımderdı qoldanu atalǧan şaruaşylyqtyŋ önımdılıgın gektaryna 2 sentnerge arttyryp, tabystylyǧyn 250 mln teŋgege ūlǧaitady dep kütılude.
Täsılderdı auqymdandyru maqsatynda 6 myŋnan astam şaruaşylyqqa audit jürgızıldı. Sifrlyq şeşımderdı odan ärı engızu üşın etalon bolatyn pilottyq şaruaşylyqtar aiqyndaldy. Jİ-şeşımderdı äzırleu jäne agrarşylardy zamanaui tehnologiialarǧa oqytu üşın Aqmola hub bazasynda zerthana qūrylady.
