15 اقپان اۋعانستاننان كەڭەستىڭ شەكتەۋلى اسكەري كونتينگەنتىن شىعارۋ كۇنىنە وراي 50 اەك مولشەرىندە (184 600 تەڭگە) قاراجات تولەنەدى. بۇل تۋرالى استانا قالاسىنىڭ جۇمىسپەن قامتۋ جانە الەۋمەتتىك قورعاۋ باسقارماسى مالىمدەدى، دەپپ حابارلايدى “ادىرنا” ۇلتتىق پورتالى.
مالىمەت بويىنشا، 2024 جىلدىڭ 15 اقپانىندا كەڭەس اسكەرلەرىنىڭ اۋعانستان جەرىنەن شىعارىلعانىنا 35 جىل تولادى.
وسىعان وراي ەلوردادا اۋعانستانداعى ۇرىس قيمىلدارىنىڭ ارداگەرلەرى بىرقاتار الەۋمەتتىك قولداۋ شارالارىمەن قامتىلادى.
اتاپ ايتقاندا:
- قالالىق جولاۋشىلار كولىگىندە جەڭىلدىكتى جول ءجۇرۋ;
- تەگىن ءدارى-دارمەكپەن قامتاماسىز ەتۋ;
- ەكى جىلدا ءبىر رەت ءتىس پروتەزدەۋ قىزمەتتەرى;
- اي سايىن كوممۋنالدىق قىزمەتتەر ءۇشىن 4,5 اەك مولشەرىندە (16 614 تەڭگە) اقشالاي وتەماقى.
«سونىمەن قوسا 15 اقپان اۋعانستاننان كەڭەستىڭ شەكتەۋلى اسكەري كونتينگەنتىن شىعارۋ كۇنىنە وراي 50 اەك مولشەرىندە جىلىنا ءبىر رەتتىك تولەم بەرىلەدى»، - دەلىنگەن حابارلامادا.
ايتا كەتەيىك، ەلوردادا بۇگىندە 1210-نان استام اۋعان ارداگەرى تۇرادى.
