ۆەنەسۋەلا بيلىگى اقش-قا «بىرلەسكەن دامۋعا باعىتتالعان» ىنتىماقتاستىقتى ۇسىندى. بۇل تۋرالى ۆەنەسۋەلا مەملەكەت باسشىسىنىڭ مىندەتىن اتقارۋشى دەلسي رودريگەس اقش پرەزيدەنتى دونالد ترامپكە جولداعان ۇندەۋىندە مالىمدەدى، دەپ حابارلايدى «ادىرنا» ءتىلشىسى.
ء«بىزدىڭ ەلىمىز سىرتقى قاۋىپ-قاتەرسىز، ءوزارا قۇرمەت پەن حالىقارالىق ىنتىماقتاستىق جاعدايىندا ءومىر سۇرۋگە ۇمتىلادى. ءبىز بۇكىل الەمدەگى بەيبىتشىلىك، ەڭ الدىمەن، ءاربىر ۇلتتىڭ تىنىشتىعىن قامتاماسىز ەتۋدەن باستالادى دەپ سانايمىز»، – دەپ جازدى رودريگەس ءوزىنىڭ Telegram-ارناسىندا.
ايتۋىنشا، ۆەنەسۋەلانىڭ بەيبىت ومىرگە، دامۋعا جانە ەگەمەندىككە تولىق قۇقىعى بار.
ء«بىز اقش پەن ۆەنەسۋەلا اراسىنداعى تەڭگەرىمدى ءارى ءوزارا قۇرمەتكە نەگىزدەلگەن حالىقارالىق قاتىناستاردى دامىتۋعا باسىمدىق بەرەمىز»، – دەپ اتاپ ءوتتى ول.
ەسكە سالايىق، 3 قاڭتاردا اقش كۇشتەرى ۆەنەسۋەلا پرەزيدەنتى نيكولاس مادۋرو مەن ونىڭ جۇبايىن ەلدەن الىپ كەتكەننەن كەيىن ۆەنەسۋەلانىڭ جوعارعى سوتى ۆيتسە-پرەزيدەنت دەلسي رودريگەستى ۋاقىتشا مەملەكەت باسشىسى ەتىپ تاعايىنداعان بولاتىن.
