استانانىڭ سارىارقا اۋدانىندا ورنالاسقان تەحنيكالىق قىزمەت كورسەتۋ ستانتسياسىندا ءىرى ءورت تىركەلدى. بۇل تۋرالى توتەنشە جاعدايلار مينيسترلىگىنىڭ ءباسپاسوز قىزمەتى مالىمدەدى، دەپ حابارلايدى “ادىرنا”.
اقپاراتقا سايكەس، گاراج ۇلگىسىندەگى انگار ىشىندە اۆتوكولىك بولشەكتەرى، اعاش سورەلەر مەن جەڭىل كولىك وتقا ورانعان. ءورت قىسقا ۋاقىتتا ۇلعايىپ، قۇتقارۋشىلار وقيعا ورنىنا جوعارى شاقىرتۋ دەڭگەيى بويىنشا جۇمىلدىرىلدى.
ءورت سالدارىنان زارداپ شەككەندەر جوق.
تجم مالىمەتىنشە، ءتىلسىز جاۋ 120 شارشى مەتر اۋماقتا تولىقتاي ءسوندىرىلدى. ءورتتى ءسوندىرۋ بارىسىندا بارلىق قاۋىپسىزدىك شارالارى ساقتالعان، ال 112 جەلىسىنە جاراقات العاندار تۋرالى حابار تۇسپەگەن.
قازىرگى ۋاقىتتا وقيعانىڭ ناقتى شىعۋ سەبەبى انىقتالىپ جاتىر.
ۇقساس جاڭالىقتار
