ەلورداداعى نازارباەۆ زياتكەرلىك مەكتەبىنىڭ مەكتەبىنىڭ تۇلەگى زارا جولداسباي SAT ەمتيحانىنان ەڭ جوعارى 1600 ۇپاي جينادى. بۇل تۋرالى بۇل Digital Business جازدى، دەپ حابارلايدى «ادىرنا» ءتىلشىسى.
ءجاسوسپىرىم ماتەماتيكا بولىمىنەن – 800, Reading and Writing بولىمىنەن – 800 بالل العان. 2025 جىلدىڭ جەلتوقسانىندا ونىڭ ناتيجەسى 1450 ۇپاي بولعان.
ناتيجەسىن جاقسارتۋ ءۇشىن زارا جاز مەزگىلىندە بۇرىنعى ماتەريالدارىن قايتا قاراپ، اپتاسىنا بەس رەت ەكى ساعاتتان دايىندالعان. ال ەمتيحانعا ءۇش اپتا قالعاندا الەۋمەتتىك جەلىلەردى تولىقتاي وشىرگەن.
زارا SAT-قا العاش رەت وتكەن جىلى تىڭعىلىقتى دايىندالا باستاعان. ول nFactorial باعدارلاماسىنداعى ءتورت ايلىق ينتەنسيۆ كۋرسقا قاتىسىپ، اپتاسىنا بەس رەت ەكى ساعاتتان وقىعان.
بۇعان دەيىن جوعارى ناتيجەگە جەتكەنىنە قاراماستان، زارا بۇدان دا جاقسى كورسەتكىشكە قول جەتكىزۋدى ماقسات ەتكەن. جازدا ول اپكەسىنىڭ كەڭەسىمەن SAT-تى قايتا تاپسىرۋعا شەشىم قابىلداپ، ەڭ الدىمەن وزىنە جوعارى ناتيجە كورسەتە الاتىنىن دالەلدەگىسى كەلگەن.
«تامىز ايىنداعى ەمتيحاننان شىققان كەزدە شامامەن 1570–1580 ۇپاي جينادىم دەپ ويلادىم. بىراق ناتيجەدە ەڭ جوعارى 1600 ۇپايدى كورگەندە قاتتى تاڭعالدىم، ءوز كوزىمە سەنبەدىم»، – دەيدى زارا.
قازىرگى تاڭدا بويجەتكەن Maqsut Narikbayev University ۋنيۆەرسيتەتىندە «مەنەدجمەنت» ماماندىعى بويىنشا ءبىلىم الىپ جاتىر. ول بولاشاعىن تەحنولوگيا سالاسىمەن بايلانىستىرادى. زارا جاساندى ينتەللەكت باعىتىندا جۇمىس ىستەيتىن ءىرى قازاقستاندىق كومپانيالاردىڭ بىرىندە تاعىلىمدامادان ءوتۋدى جوسپارلاپ وتىر. سونىمەن قاتار كەلەشەكتە ءوزىنىڭ جي-ستارتابىن قۇرۋ مۇمكىندىگىن دە قاراستىرماق.
