تەمىرتاۋدا ەر ادام اۆتوبۋستا 18 جاستاعى جىگىتتىڭ اياعىنا پىشاق سۇعىپ الدى. قوعامدىق كولىكتەگى قاندى جانجال تۋرالى اقپارات الەۋمەتتىك جەلىلەردە تارادى، دەپ حابارلايدى "ادىرنا".
الدىن الا مالىمەت بويىنشا، ءبارى جانجالدان باستالعان: ەكى جولاۋشى اۆتوبۋستاعى تەرەزە جەلدەتكىشىن اشۋعا بايلانىستى سوزگە كەلگەن. داۋ توبەلەسكە ۇلاسقان. كۋاگەرلەر پوليتسيا مەن جەدەل جاردەم شاقىرعان.
وقيعا ورنىنا كەلگەن پوليتسيا جاساعى 30 جاستاعى كۇدىكتىنى ۇستادى. ول ۋاقىتشا ۇستاۋ يزولياتورىنا قامالدى. پوليتسەيلەر تەمىرتاۋدىڭ 18 جاستاعى تۇرعىنىنىڭ اياعىنا پىشاق سۇعۋ دەرەگى بويىنشا قىلمىستىق ءىس قوزعادى.
"قازىر بولعان وقيعانى وبەكتيۆ جانە جان-جاقتى تەرگەۋگە باعىتتالعان بارلىق قاجەت تەرگەۋ ارەكەتى جۇرگىزىلىپ جاتىر. اگرەسسيا مەن زورلىق-زومبىلىقتىڭ كەز كەلگەن كورىنىسى قاتاڭ تۇردە توقتاتىلاتىن بولادى. كىنالىلەر زاڭعا سايكەس جاۋاپقا تارتىلادى", — دەدى قاراعاندى وبلىسى پوليتسيا دەپارتامەنتىنىڭ ءباسپاسوز قىزمەتى.
ۆەدومستۆو مالىمەتىنشە، بۇل ءىستىڭ تەرگەۋى پوليتسيا دەپارتامەنتىنىڭ باقىلاۋىندا.
بۇعان دەيىن استانادا اۆتوبۋستا جولاۋشىلار اراسىنداعى ءسوز جۇزىندەگى جانجال توبەلەسكە ۇلاسقانى حابارلانعان ەدى. توبەلەستىڭ ۆيدەوسى الەۋمەتتىك جەلىلەردە تارادى.
