ازاماتتاردى جەر سىلكىنىسى تۋرالى SMS حابارلاما ارقىلى جەدەل حاباردار ەتۋ مۇمكىن ەمەستىگى ايتىلدى، دەپ حابارلايدى "ادىرنا" ۇلتتىق پورتالى. بۇل تۋرادى قر تسيفرلىق دامۋ، يننوۆاتسيالار جانە اەروعارىش ونەركاسىبى ۆيتسە-ءمينيسترى اسحات ورازبەك ايتتى.
«بايلانىس وپەراتورلارى «ازاماتتىق قورعاۋ تۋرالى» زاڭنىڭ 6-بابىنا سايكەس جاپپاي SMS جىبەرۋگە مىندەتتى، ولار ونى جاساي الادى بىراق، ماسەلە باسقاشا. ماسەلە تەحنولوگيادا، ياعني SMS وتە باياۋ، بىرنەشە ساعات ىشىندە جەتەدى. ياعني، توتەنشە جاعداي رەجيمىندە ازاماتتاردى وقيعا تۋرالى، جاعداي تۋرالى جەدەل حاباردار ەتۋ نەمەسە ولارعا كەڭەس بەرۋ، باعىتتاۋ تۋرالى اقپارات بەرۋ مۇمكىن ەمەس»، - دەدى ورازبەك سارسەنبى كۇنى ءماجىلىس كۋلۋارىندا.
سونىمەن بىرگە ول الەمدە جەدەل ەسكەرتۋ تەحنولوگيالارى بار ەكەنىن مويىندادى.
«مۇنداي مۇمكىندىك قازاقستاندا دا بار، بۇل ءونىمدى وپەراتورلار جاساپ قويعان، ونىڭ ۇستىنە توتەنشە جاعدايلار مينيسترلىگىمەن بىرلەسىپ سىناقتان وتكىزىپ تە كورگەنبىز. شىندىعىندا بىرنەشە سەكۋند ىشىندە بۇكىل وپەراتور جەلىسىندە تاراتۋعا بولادى، الايدا جاعدايدىڭ قاي جەردە ورىن الاتىنىنا بايلانىستى، بازالىق ستانتسيالار بويىنشا، كەيبىر اۋماقتار بويىنشا جەرگىلىكتى، نۇكتەلىك تۇردە تاراتىلۋى مۇمكىن. ەندى ءبىز دەپۋتاتتارمەن «ازاماتتىق قورعاۋ تۋرالى» زاڭنىڭ ءدال وسىنداي شەشىمدى قولدانۋعا مۇمكىندىك بەرەتىن 6-بابىندا بۇل ءبىرىنشى جانە ەكىنشى، مەملەكەتتەن قارجىلاندىرۋ قاجەت ەكەندىگى تۋرالى سويلەستىك»، - دەدى ول.
سونىمەن بىرگە ورازبەك الماتىداعى جەر سىلكىنىسى كەزىندە قولدانىستاعى ەسكەرتۋ جۇيەلەرى «جۇمىس ىستەدى» دەيدى.
«بۇگىنگى قولدانىستاعى ەسكەرتۋ جۇيەلەرى جۇمىس ىستەدى. بايلانىس وپەراتورلارىمەن سمس-حابارلامالار جىبەرىلدى»، - دەدى ۆيتسە-مينيستر.
الماتىلىقتاردىڭ جەر سىلكىنىسىنەن كەيىن SMS-حابارلامالار كەلگەنىنە قاتىستى شاعىمدارىنا قاتىستى ول: «تەحنولوگيالىق سايكەسسىزدىكتەر بويىنشا بايلانىس وپەراتورىنا سۇراق قويۋىڭىزدى سۇرايمىن»، - دەدى.
تسيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگى اقپان ايىندا ەكىنشى وقىلىمدا بايلانىس ماسەلەلەرى بويىنشا تۇزەتۋلەردى قاراۋ كەزىندە ءماجىلىس دەپۋتاتتارىمەن جەدەل ەسكەرتۋ جۇيەسىنىڭ ءوزىن قاراستىرۋعا ۋادە بەرەدى.
الماتىدا جەر سىلكىنىسىن ەرتە حابارلاۋ جۇيەسىنە 1,1 ميلليارد تەڭگە جۇمسالىپ، اقىرى ناتيجە بەرمەگەنىنە قاتىستى ۆيتسە-مينيستر جۋرناليستەرگە: «ونداي بولسا اكىمدىكتەن سۇراڭىز»، - دەدى.
«تىڭداڭىز، مينيسترلىكتىڭ «ەلگە حابارلاۋ» سياقتى فۋنكتسياسى جوق. جالپى، جاھاندىق دەڭگەيدە حابارلاندىرۋعا كەلەتىن بولساق، ءسىز توتەنشە جاعدايلار مينيسترلىگىنىڭ تاپسىرمالارى اياسىندا جانە ىشكى ىستەر مينيسترلىگىنىڭ، اكىمدىكتەردىڭ تاپسىرمالارى اياسىندا بىزدە نە بار ەكەنىن ءتۇسىنۋىڭىز كەرەك، بۇل ولاردىڭ مىندەتتەرى. ال تەحنولوگيالىق كومەك قاجەت بولسا، كومەكتەسەمىز»، - دەدى ورازبەك.
