«حالىق جازۋشىسى» اتاعىن العاندارعا 17 954 تەڭگەدەن بەرىلەتىن بولدى. بۇل تۋرالى مادەنيەت جانە اقپارات ۆيتسە-ءمينيسترى ارمان جۇدەباەۆ سەناتتىڭ جالپى وتىرىسىنان كەيىن كۋلۋاردا جۋرناليستەرگە بەرگەن سۇحباتىندا مالىمدەدى، دەپ حابارلايدى “ادىرنا” ۇلتتىق پورتالى baq.kz سايتىنا سىلتەپ.
ۆيتسە-ءمينيستردىڭ ايتۋىنگا، مەملەكەتتىك مەكەمەلەردە قىزمەت ەتىپ جۇرگەن «قازاقستاننىڭ حالىق جازۋشىسى» اتاعىن العاندارعا ءتيىستى ۇستەماقى قاراستىرىلعان.
«قازاقستاننىڭ حالىق جازۋشىسى» اتاعى – ەلىمىزدىڭ ادەبيەتىن دامىتۋعا ەرەكشە ۇلەس قوسقان، بۇرىن «قازاقستاننىڭ ەڭبەك سىڭىرگەن قايراتكەرى» جانە ادەبيەت سالاسىنداعى قازاقستان رەسپۋبليكاسى مەملەكەتتىك سىيلىعىنىڭ لاۋرەاتى اتانعان تۇلعالارعا بەرىلەدى. سونداي-اق ۇلت ادەبيەتىن جاڭا دەڭگەيگە كوتەرگەن، ادەبي شىعارماشىلىق ورتانىڭ ەڭ جوعارعى سىيلىعىن الادى، - دەپ اتاپ ءوتتى ۆەدومستۆو باسشىسى.
بۇل اتاق رەسپۋبليكا كۇنى قارساڭىندا بەرىلمەك.
«حالىق جازۋشىسى» اتاعى – دەبيەت سالاسىنداعى ەڭ جوعارى اتاق. ۇكىمەتتىڭ ءتيىستى قاۋلىسى بار. بۇل تۇرعىدا ول كىسىلەر مەملەكەتتىك مەكەمەدە جۇمىس ىستەسە، وندا ءتيىستى ۇستەماقى تولەنەدى. ال جۇمىس ىستەمەسە تولەم جاسالمايدى. جالپى، بۇل رەتتە ەشقانداي قارجىلىق ەسەتەۋلەر قاراستىرىلماعان. بۇل كىسىلەر مادەنيەت جانە اقپارات مينيسترلىگىنىڭ ءتيىستى مەملەكەتتىك مەكەمەلەرىندە قىزمەت ەتسە، 17 954 تەڭگە سوماسىنداعى ۇستەماقىنى الادى، - دەدى ۆيتسە-مينيستر.
