قازاقستان قور بيرجاسىنداعى (KASE) كۇندىزگى ساۋدا قورىتىندىسى بويىنشا دوللار باعامى 0,71 تەڭگەگە ارزانداپ، 495,95 تەڭگەنى قۇرادى، دەپ حابارلايدى "ادىرنا" ۇلتتىق پورتالى.
Kurs.kz مالىمەتىنشە، قازىرگى ۋاقىتتا الماتىداعى اقشا ايىرباستاۋ ورىندارىندا دوللار 500 تەڭگەدەن ساتىلىپ، 498 تەڭگەدەن ساتىپ الىنىپ جاتىر.
استانادا دوللار 502 تەڭگەدەن ساتىلىپ، 498 تەڭگەدەن ساتىپ الىنۋدا.
قازاقستان قارجىگەرلەر قاۋىمداستىعى 2025 جىلى دوللار باعامى 545 تەڭگەگە دەيىن جەتۋى مۇمكىن ەكەنىن بولجادى. سونىمەن قاتار، ۇلتتىق بانك ۆاليۋتا ايىرباستاۋدىڭ جاڭا ەرەجەسىن ەنگىزەتىنىن مالىمدەدى.
ەكونوميستەر تەڭگەنىڭ نىعايۋىنا مۇمكىندىك بار ەكەنىن اتاپ ءوتتى.
