مەملەكەت باسشىسى قاسىم-جومارت توقاەۆ جامبىل وبلىسىنا جۇمىس ساپارىمەن باردى. بۇل تۋرالى بۇگىن، 25 جەلتوقساندا اقوردانىڭ ءباسپاسوز قىزمەتى جازدى، دەپ حابارلايدى «ادىرنا» ءتىلشىسى.
پرەزيدەنتءتىڭ جۇمىس ساپارى ء«امىر جانە د» جاۋاپكەرشىلىگى شەكتەۋلى سەرىكتەستىگىنىڭ قىزمەتىمەن تانىسۋدان باستالدى. قاسىم-جومارت توقاەۆقا مەديتسينالىق پرەپاراتتار مەن دايىن ءونىم تۇرلەرىن شىعاراتىن نەگىزگى تسەحتىڭ جۇمىسى كورسەتىلدى.
ء«امىر جانە د» جشس-ءى الەۋمەتتىك ماڭىزى بار اۋرۋلاردى دياگنوستيكالاۋعا ارنالعان جەدەل تەستىلەردىڭ كوپتەگەن ءتۇرىن شىعارادى. بۇل ونىمدەر ۆ جانە س گەپاتيتىن، ۆيچ-ينفەكتسياسىن، ميوكارد تالماسىن، سونداي-اق ەسىرتكى جانە پسيحوتروپتى زاتتاردى انىقتاي الادى.
سونداي-اق مەملەكەت باسشىسىنا «Super-pharm» فارماتسەۆتيكالىق كومپانياسىنىڭ جۇمىسى تۋرالى اقپارات بەرىلدى. بۇل – ەلىمىزدە مەديتسينالىق بۇيىمدار وندىرەتىن جەتەكشى كاسىپورىنداردىڭ ءبىرى. زاۋىتتا 600-دەن اسا ەڭبەككەر جۇمىس ىستەيدى. كومپانيا وتاندىق نارىقتاعى ءبىر رەتتىك قولدانۋعا ارنالعان مەديتسينالىق بۇيىمدارعا سۇرانىستىڭ 30 پايىزىن قامتاماسىز ەتەدى.
پرەزيدەنت وتاندىق فارماتسەۆتيكا يندۋسترياسىنىڭ دامۋى يمپورتقا تاۋەلدىلىكتى تومەندەتىپ، ۇلتتىق دەنساۋلىق ساقتاۋ جۇيەسىن نىعايتۋدا ماڭىزدى ەكەنىن اتاپ ءوتتى.
ايتا كەتەيىك، جۇمىس ساپارى اياسىندا قاسىم-جومارت توقاەۆ بىرقاتار ەكونوميكانىڭ ءتۇرلى سەكتورىنداعى ينۆەستيتسيالىق جوبالاردىڭ جۇزەگە اسىرىلۋ بارىسىمەن تانىسىپ، وبلىس جۇرتشىلىعىمەن كەزدەسپەك.
