“Almaty aqshamy” ۇجىمى جىل بويى اتقارعان ەسەلى ەڭبەگىن بۇگىن ەرەكشە ماراپاتپەن، ۇلكەن ابىرويمەن تۇيىندەپ وتىر. “قازاقستانداعى جىل تاڭداۋى” (№1 Choice of the ۋear in Kazakhstan) ۇلتتىق جوباسىنىڭ “مەملەكەتتىك تىلدەگى رەسپۋبليكالىق قوعامدىق-ساياسي گازەت” نوميناتسياسىن جەڭىپ الدى.
بۇل سىيلىق اياسىندا جىل ىشىندە كورسەتكەن جەتىستىگى، ساپاسى مەن ەل ىشىندەگى بەدەلى ەڭ جوعارى دەپ تانىلعان برەندتەر، كومپانيالار جانە جوبالار “قازاقستانداعى №1” اتاعىن الادى. سوندىقتان مەرەيىمىزدى كوتەرىپ تاستاعان وسىناۋ مارتەبەلى ماراپاتتىڭ باعاسى ءبىز ءۇشىن قۇندى.
“جوبانىڭ ۇيىمداستىرۋشىلارىنا، ءبىزدى باعالاعان بارشاعا اعايىنعا العىس بىلدىرەمىز. گازەتىمىزدىڭ “مىڭ جاساعان شاھاردىڭ شامشىراعى” دەپ اتالۋى تەگىن ەمەس. ويتكەنى “Almaty aqshamy” وتاندىق جۋرناليستيكادا، جالپى قازاق رۋحانياتىندا وزىندىك ورنى، ءوز تاريحى بار باسىلىم. بۇل گازەتتە قازاقتىڭ قانشاما مارقاسقالارى، تانىمال تۇلعالار ەڭبەك ەتىپ، ءوزىنىڭ قولتاڭباسىن قالدىردى! قازىر ءبىز زامان كوشىنەن قالماۋ ءۇشىن ۇلكەن ترانسفورماتسيالار جاساپ جاتىرمىز. جاڭا بەت-بەينەمىز قالىپتاستى. ەلىمىزدەگى ەڭ تاڭداۋلى بايقاۋدىڭ ايتۋلى جۇلدەسىنىڭ بىزگە بۇيىرۋى – الداعى ۋاقىتتا دا ارىپتەستەرگە ۇلكەن شابىت سىيلايدى دەپ سەنەمىن. جالپى، بۇل جەڭىس ءبىزدىڭ “Alatau aqparat” مەدياحولدينگىنىڭ بەرەكە-بىرلىگىنىڭ جەتىستىگى، ونىڭ ىشىندە “Almaty aqshamy” ۇجىمىنىڭ ىنتىماعى مەن قاجىرلى ەڭبەگىنىڭ ناتيجەسى دەپ بىلەمىن”، – دەدى سالتاناتتى راسىمدە “Alatau aqparat” مەدياحولدينگىنىڭ باس ديرەكتورى ەرجان قالىمبايۇلى.
ايتا كەتسەك، “Alatau aqparat” مەدياحولدينگى قۇرامىنداعى
“Almaty aqshamy” گازەتىنىڭ جارىق كورىپ كەلە جاتقانىنا – 37 جىل. ءبىزدى الماتىلىقتار عانا ەمەس، رەسپۋبليكا تۇرعىندارى جانە شەتەلدىكتەر دە وقيدى. سونداي-اق “Air Astana” اۋە كومپانياسىنىڭ بورتتارىنان، “تالگو” پويىزىنىڭ بارلىق باعىتىنان، سونداي-اق قالالاعى تانىمال قوناق ءۇي، رەستوران، كوفەحانالاردان تابىلامىز.
