“Almaty aqshamy” ūjymy jyl boiy atqarǧan eselı eŋbegın bügın erekşe marapatpen, ülken abyroimen tüiındep otyr. “Qazaqstandaǧy Jyl taŋdauy” (№1 Choice of the uear in Kazakhstan) ūlttyq jobasynyŋ “Memlekettık tıldegı respublikalyq qoǧamdyq-saiasi gazet” nominasiiasyn jeŋıp aldy.
Būl syilyq aiasynda jyl ışınde körsetken jetıstıgı, sapasy men el ışındegı bedelı eŋ joǧary dep tanylǧan brendter, kompaniialar jäne jobalar “Qazaqstandaǧy №1” ataǧyn alady. Sondyqtan mereiımızdı köterıp tastaǧan osynau märtebelı marapattyŋ baǧasy bız üşın qūndy.
“Jobanyŋ ūiymdastyruşylaryna, bızdı baǧalaǧan barşaǧa aǧaiynǧa alǧys bıldıremız. Gazetımızdıŋ “Myŋ jasaǧan şahardyŋ şamşyraǧy” dep ataluy tegın emes. Öitkenı “Almaty aqshamy” otandyq jurnalistikada, jalpy qazaq ruhaniiatynda özındık orny, öz tarihy bar basylym. Būl gazette qazaqtyŋ qanşama marqasqalary, tanymal tūlǧalar eŋbek etıp, özınıŋ qoltaŋbasyn qaldyrdy! Qazır bız zaman köşınen qalmau üşın ülken transformasiialar jasap jatyrmyz. Jaŋa bet-beinemız qalyptasty. Elımızdegı eŋ taŋdauly baiqaudyŋ aituly jüldesınıŋ bızge būiyruy – aldaǧy uaqytta da ärıptesterge ülken şabyt syilaidy dep senemın. Jalpy, būl jeŋıs bızdıŋ “Alatau aqparat” mediaholdingınıŋ bereke-bırlıgınıŋ jetıstıgı, onyŋ ışınde “Almaty aqshamy” ūjymynyŋ yntymaǧy men qajyrly eŋbegınıŋ nätijesı dep bılemın”, – dedı saltanatty räsımde “Alatau aqparat” mediaholdingınıŋ Bas direktory Erjan Qalymbaiūly.
Aita ketsek, “Alatau aqparat” mediaholdingı qūramyndaǧy
“Almaty aqshamy” gazetınıŋ jaryq körıp kele jatqanyna – 37 jyl. Bızdı almatylyqtar ǧana emes, respublika tūrǧyndary jäne şeteldıkter de oqidy. Sondai-aq “Air Astana” äue kompaniiasynyŋ borttarynan, “Talgo” poiyzynyŋ barlyq baǧytynan, sondai-aq qalalaǧy tanymal qonaq üi, restoran, kofehanalardan tabylamyz.
