پرەزيدەنت قاسىم-جومارت توقاەۆ قورعانىس ءمينيسترىنىڭ ورىنباسارىن تاعايىندادى، دەپ حابارلايدى "ادىرنا".
«مەملەكەت باسشىسىنىڭ وكىمىمەن الماز جەڭىسۇلى جۇماكەەۆ قازاقستان رەسپۋبليكاسى قورعانىس ءمينيسترىنىڭ ورىنباسارى بولىپ تاعايىندالدى، ول بۇرىنعى اتقارعان لاۋازىمىنان بوساتىلدى»، – دەلىنگەن اقوردانىڭ حابارلاماسىندا.
ول 1970 جىلعى 6 ناۋرىزدا قىرعىز كسر ىستىقكول وبلىسىنىڭ پرجەۆالسك ق. 1970 جىلعى 6 ناۋرىزدا اسكەري قىزمەتشىلەر وتباسىندا دۇنيەگە كەلگەن.
الماز جۇماكەەۆ وفيتسەرلىك قىزمەتىن 1992 جىلدىڭ ماۋسىم ايىندا قر قك 35-جەكە گۆارديالىق دەسانتتىق-شابۋىلداۋ بريگاداسىندا ءپاراشيۋتتى-دەسانتتىق ۆزۆود قولباسشىسى بولىپ باستادى.
1992 جىلدىڭ قىركۇيەك-قازان ايلارى ارالىعىندا تاجىكستاندا رەسەي فەدەراتسياسى شەكارا اسكەرلەرىنىڭ پاندج شەكارا جاساعىنىڭ جاۋاپتى ايماعىندا تمد-نىڭ مەملەكەتتىك شەكاراسىن قورعاۋ بويىنشا جاۋىنگەرلىك ءىس-قيمىلدارعا قاتىستى.
- 1992 ج. قاراشا – 1993 ج. قاراشا – قاپشاعاي قالاسىنداعى 35-بريگادا 2-دەسانتتىق-شابۋىلداۋشى باتالونىنىڭ بارلاۋ ۆزۆودى قولباسشىسى بولدى.
- 1993 ج. قاراشا – 1994 ج. قازان – 35-بريگادا 2-دەسانتتىق-شابۋىلداۋشى باتالونىنىڭ شتاب روتاسى قولباسشىسى لاۋازىمىندا قىزمەت ەتتى.
- 1994 ج. قازان – 1995 ج. ماۋسىم – 35-بريگادا 2-دەسانتتىق-شابۋىلداۋشى باتالون قولباسشىسىنىڭ جاۋىنگەرلىك دايارلىق جونىندەگى ورىنباسارى بولىپ جۇمىس ىستەدى.
- 1995 ج. ماۋسىم – 1997 ج. اقپان – 35-بريگادانىڭ 2-دەسانتتىق-شابۋىلداۋشى باتالون (اۆتوموبيلدەردە) قولباسشىسى مىندەتىن اتقاردى.
- 1997 ج. اقپان – 1998 ج. مامىر – 35-بريگادا 1-دەسانتتىق-شابۋىلداۋشى باتالون (بتر-80 بويىنشا) قولباسشىسى بولدى.
- 1998 ج. مامىر – 1998 ج. تامىز – 35-بريگادا (قايتا قۇرىلعاننان كەيىن) 351-جەكە دەسانتتىق-شابۋىلداۋشى باتالون (اۆتوموبيلدەردە) قولباسشىسى لاۋازىمىندا قىزمەت ەتتى.
- 1998 ج. تامىز – 2001 ج. ماۋسىم – قر قك اسكەري اكادەمياسىنىڭ سىرتتاي وقۋ ءبولىمىنىڭ تىڭداۋشىسى بولدى.
- 1998 ج. تامىز – 2001 ج. تامىز – 35-بريگادا 353-جەكە دەسانتتىق-شابۋىلداۋشى باتالون (اۆتوموبيلدەردە) قولباسشىسى بولىپ جۇمىس ىستەدى.
- 2001 ج. تامىز – 2003 ج. قازان – شتاب باسشىسى – 35-بريگادا قولباسشىسىنىڭ ورىنباسارى مىندەتىن اتقاردى.
- 2003 ج. قازان – 2009 ج. قىركۇيەك – تالدىقورعان قالاسىنداعى 37-جەكە دەسانتتىق-شابۋىلداۋشى بريگادا قولباسشىسى. 517-موتواتقىشتار پولكىنىڭ 68-موتواتقىشتار ديۆيزياسىن 37-بريگادا بولىپ قايتا قۇرىلۋىنا تىكەلەي باسشىلىق جاسادى.
- 2009 ج. قىركۇيەك – 2010 ج. ءساۋىر – قر قورعانىس مينيسترلىگى شتابتار باسشىلارى كوميتەتىنىڭ جاۋىنگەرلىك دايىندىق پەن اسكەر قىزمەتى دەپارتامەنتى باسشىسى بولدى.
- 2010 ج. ءساۋىر – 2010 ج. قىركۇيەك – «استانا» وڭىرلىك قولباسشىلىعى باسقارماسى قولباسشىسىنىڭ ءبىرىنشى ورىنباسارى – «استانا» وڭىرلىك قولباسشىلىعى باسقارماسى اسكەر قولباسشىلىعى باسقارماسىنىڭ شتاب باسشىسى لاۋازىمىندا قىزمەت ەتتى.
- 2010 ج. قىركۇيەك – 2011 ج. مامىر – قر قك قۇرلىق اسكەرلەرى باس قولباسشىسىنىڭ ورىنباسارى – تاربيە جانە الەۋمەتتىك-قۇقىقتىق جۇمىس جونىندەگى باس باسقارماسى باسشىسى بولىپ جۇمىس ىستەدى.
- 2011 ج. مامىر – 2015 ج. قازان – استانا قالاسىنداعى اەروۇتقىر اسكەرلەرىنىڭ 36-جەكە دەسانتتىق-شابۋىلداۋشى بريگادا قولباسشىسى مىندەتىن اتقاردى.
- 2011 جىلى 6 مامىردا قازاقستان رەسپۋبليكاسىنىڭ پرەزيدەنتى الماز جەڭىسۇلىنا گەنەرال-مايور اسكەري اتاعىن بەردى.
- 2015 جىلى 15 قازاندا مەملەكەت باسشىسىنىڭ وكىمىمەن قازاقستان رەسپۋبليكاسى قارۋلى كۇشتەرى اەروۇتقىر اسكەرلەرىنىڭ قولباسشىسى بولىپ تاعايىندالدى.
- 2018 جىلى 18 ساۋىردە مەملەكەت باسشىسىنىڭ وكىمىمەن جۇماكەەۆ الماز جەڭىسۇلى باسقا جۇمىسقا اۋىسۋىنا بايلانىستى قازاقستان رەسپۋبليكاسى قارۋلى كۇشتەرى قۇرلىق اسكەرلەرى دەسانتتىق-شابۋىلداۋشى اسكەرلەرىنىڭ قولباسشىسى قىزمەتىنەن بوساتىلدى.
- 2018 ج. ءساۋىر – 2018 ج. جەلتوقسان – قازاقستان رەسپۋبليكاسى قارۋلى كۇشتەرى قۇرلىق اسكەرلەرى باس قولباسشىسىنىڭ ورىنباسارى (جاۋىنگەرلىك دايارلىق جونىندەگى) – قر قك قا باس قولباسشىسى باسقارماسىنىڭ جاۋىنگەرلىك دايارلىق باس باسقارماسى باسشىسى بولدى.
- 2018 ج. جەلتوقسان – 2019 ج. شىلدە – قر قك بش جاۋىنگەرلىك دايارلىق دەپارتامەنتى باسشىسى لاۋازىمىندا قىزمەت ەتتى.
- 2019 ج. شىلدە – 2021 ج. ماۋسىم – ۇلتتىق قورعانىس ۋنيۆەرسيتەتى باس شتاب اكادەمياسى فاكۋلتەتىنىڭ تىڭداۋشىسى.
- 2021 ج. ماۋسىم – 2022 ج. ناۋرىز – قازاقستان رەسپۋبليكاسى قارۋلى كۇشتەرى قۇرلىق اسكەرلەرى باس قولباسشىسىنىڭ ورىنباسارى (جاۋىنگەرلىك دايارلىق جونىندەگى) – قر قك قا باس قولباسشىسى باسقارماسىنىڭ جاۋىنگەرلىك دايارلىق باس باسقارماسى باسشىسى بولىپ جۇمىس ىستەدى.
- 2022 جىلدىڭ ناۋرىزىنان باستاپ قازاقستان رەسپۋبليكاسى قۇرلىق اسكەرلەرى دەسانتتىق-شابۋىلداۋشى اسكەرلەرىنىڭ قولباسشىسى بولدى.
ۇقساس جاڭالىقتار
