Kundelik پلاتفورماسىنا يەلىك ەتەتىن كومپانيا الەۋمەتتىك جەلىلەردە تاراعان «بىرنەشە مىڭ وقۋشىنىڭ دەرەكتەرى اشىق جاريالاندى» دەگەن اقپاراتتى جوققا شىڭاردى، دەپ حابارلايدى “ادىرنا” ۇلتتىق پورتالى Informburo.kz سايتىنا سىلتەپ.
كومپانيانىڭ مالىمەتىنشە، قازىر ىشكى تەحنيكالىق تەكسەرىس ءجۇرىپ جاتىر، سوندىقتان قانداي دا ءبىر قورىتىندى جاساۋعا ەرتە.
"قازىرگى ۋاقىتتا Kundelik جۇيەسىنەن دەرەكتەردىڭ شىعىپ كەتۋ فاكتىسى راستالعان جوق. كومپانيا ىشكى تەحنيكالىق تەكسەرىس جۇرگىزىپ جاتىر. تەكسەرۋ اياقتالعانعا دەيىن بولىپ جاتقان وقيعاعا قاتىستى كەز كەلگەن قورىتىندى جاساۋ ەرتەرەك. تەكسەرۋ ناتيجەسى بويىنشا Kundelik قوعامدى قوسىمشا حاباردار ەتەدى", – دەپ مالىمدەدى كومپانيا.
جاساندى ينتەللەكت جانە تسيفرلىق دامۋ ۆيتسە-ءمينيسترى دميتري مۋن دا دەرەكتەردىڭ تارالۋىن راستاعان جوق. الايدا ونىڭ ايتۋىنشا، مىندەتتى تۇردە تەرگەۋ جۇرگىزىلۋى كەرەك.
"ازىرگە تۇسىنىكتەمە بەرە المايمىن، سەبەبى ءتيىستى قىزمەتتەرگە بارىپ، قاجەتتى تەرگەۋ مەن شارالاردى جۇرگىزۋ قاجەت. بىرىنشىدەن، اقپارات راستالعان كەزدە، ەكىنشىدەن، نە بولۋى مۇمكىن ەكەنى تالدانعان سوڭ، ءتيىستى اقپاراتتى جاريالايمىز. قازىرشە قولىمىزدا ەشتەڭە جوق", – دەدى ول سەنات كۋلۋارلارىندا.
كيبەرشابۋىلداردى تالداۋ جانە زەرتتەۋ ورتالىعى دا جاعدايدى تەك ساراپتاما اياقتالعاننان كەيىن عانا تۇسىندىرەتىنىن حابارلادى.
