Kundelik platformasyna ielık etetın kompaniia äleumettık jelılerde taraǧan «bırneşe myŋ oquşynyŋ derekterı aşyq jariialandy» degen aqparatty joqqa şyŋardy, dep habarlaidy “Adyrna” ūlttyq portaly Informburo.kz saityna sıltep.
Kompaniianyŋ mälımetınşe, qazır ışkı tehnikalyq tekserıs jürıp jatyr, sondyqtan qandai da bır qorytyndy jasauǧa erte.
"Qazırgı uaqytta Kundelik jüiesınen derekterdıŋ şyǧyp ketu faktısı rastalǧan joq. Kompaniia ışkı tehnikalyq tekserıs jürgızıp jatyr. Tekseru aiaqtalǧanǧa deiın bolyp jatqan oqiǧaǧa qatysty kez kelgen qorytyndy jasau erterek. Tekseru nätijesı boiynşa Kundelik qoǧamdy qosymşa habardar etedı", – dep mälımdedı kompaniia.
Jasandy intellekt jäne sifrlyq damu vise-ministrı Dmitrii Mun da derekterdıŋ taraluyn rastaǧan joq. Alaida onyŋ aituynşa, mındettı türde tergeu jürgızıluı kerek.
"Äzırge tüsınıkteme bere almaimyn, sebebı tiıstı qyzmetterge baryp, qajettı tergeu men şaralardy jürgızu qajet. Bırınşıden, aqparat rastalǧan kezde, ekınşıden, ne boluy mümkın ekenı taldanǧan soŋ, tiıstı aqparatty jariialaimyz. Qazırşe qolymyzda eşteŋe joq", – dedı ol senat kuluarlarynda.
Kiberşabuyldardy taldau jäne zertteu ortalyǧy da jaǧdaidy tek saraptama aiaqtalǧannan keiın ǧana tüsındıretının habarlady.
