سەمەي جانە وسكەمەن قالالارىندا سالىناتىن جىلۋ ەلەكتر ورتالىقتارىنىڭ (جەو) قۇرىلىسىنا حالىقارالىق كومپانيالار قاتىسۋى مۇمكىن، دەپ حابارلايدى "ادىرنا" ۇلتتىق پورتالى.
بۇل تۋرالى «سامۇرىق-ەنەرگو» اق باسقارما توراعاسى قايرات ماقسۇتوۆ مالىمدەدى.
ونىڭ ايتۋىنشا، كوكشەتاۋ جىلۋ ەلەكتر ورتالىعىنىڭ قۇرىلىسى بويىنشا كەلىسىمشارتقا قول قويىلىپ، جوبانى قازاقستان-قىتاي كونسورتسيۋمى جۇزەگە اسىرادى. بۇل نىساندا قىتايلىق جابدىقتار پايدالانىلاتىن بولادى.
"سەمەي مەن وسكەمەندەگى جەو جوبالارى بويىنشا «قازاقستان دەربەس سالادى» دەگەن كەزدە اڭگىمە «سامۇرىق-ەنەرگونىڭ» تاپسىرىس بەرۋشى ءرولىن اتقاراتىندىعى تۋرالى بولدى. ياعني، قارجىلاندىرۋدى قازاقستان تاراپى قامتاماسىز ەتەدى. ال الەۋەتتى مەردىگەرلەر قاتارىندا «ينتەر راو» جانە قىتايلىق كومپانيالاردى قوسا العاندا، وزگە دە حالىقارالىق ۇيىمدار بولۋى مۇمكىن", – دەدى ماقسۇتوۆ.
ايتا كەتەيىك، جاڭا جىلۋ ەلەكتر ورتالىقتارىن سالۋ جوباسى وڭىرلەردىڭ ەنەرگەتيكالىق قاۋىپسىزدىگىن قامتاماسىز ەتۋگە جانە تۇرعىنداردى تۇراقتى جىلۋ، ەلەكتر قۋاتىمەن قامتاماسىز ەتۋگە باعىتتالعان.
