قاراعاندىدا 45 جاستاعى جاياۋ جۇرگىنشى اۆتوبۋستىڭ استىنا ءتۇسىپ، مەرت بولدى، دەپ حابارلايدى "ادىرنا" ءتىلشىسى.
قاراعاندى قالاسىندا اۆتوبۋس جۇرگىزۋشىسى ورتالىق كوشەلەردىڭ بىرىندە جاياۋ جۇرگىنشىنى قاعىپ كەتتى. زارداپ شەككەن قالا تۇرعىنى وقيعا ورنىندا مەرت بولدى. قايعىلى وقيعاعا قاتىستى وبلىستىق پوليتسيا دەپارتامەنتى رەسمي حابارلاما تاراتتى.
"شاعىن اۆتوبۋستىڭ 39 جاستاعى جۇرگىزۋشىسى جاياۋ جۇرگىنشىنى قاعىپ كەتتى. سالدارىنان 45 جاستاعى جاياۋ جۇرگىنشى وقيعا ورنىندا كوز جۇمدى. وقيعا كەزىندە اۆتوبۋستا 15 جولاۋشى بولعان، بىراق زارداپ شەككەندەر جوق. بولعان ءىستىڭ ءمان-جايى انىقتالىپ جاتىر. فاكتى پوليتسيادا تىركەلدى. قاجەتتى ساراپتامالار تاعايىندالدى", - دەپ حابارلادى قاراعاندى وبلىسىنىڭ پد ءباسپاسوز قىزمەتى.
اۆتوبۋستاعى بەينەباقىلاۋ كامەراسى مەن ماگنيتوفونعا جاياۋ جۇرگىنشىنىڭ كولىك استىنا ءوزى سەكىرگەنى جازىلىپ قالعان ەكەن.
