ەۋروپالىق وداق تسيفرلىق قىزمەتتەر تۋرالى زاڭ (Digital Services Act – DSA) اياسىندا العاش رەت امەريكالىق تەحنولوگيالىق كومپانياعا ايىپپۇل سالدى، دەپ حابارلايدى "ادىرنا" ۇلتتىق پورتالى Deutsche Welle دەرەگىنە سىلتەمە جاساپ.
ەۋروكوميسسيا 5 جەلتوقساندا يلون ماسكقا تيەسىلى X (بۇرىنعى Twitter) ميكروبلوگ سەرۆيسىن جارناما مەن پايدالانۋشى اككاۋنتتارىنىڭ اشىقتىعىن ساقتاماعانى ءۇشىن جاۋاپقا تارتتى.
ەۋروكوميسسيا وكىلى حەننا ۆيرككۋنەننىڭ ايتۋىنشا، بۇل شەشىمنىڭ ماقساتى – ەو اۋماعىندا تسيفرلىق زاڭنامانىڭ تولىق ورىندالۋىن قامتاماسىز ەتۋ.
تەكسەرۋ بارىسىندا بىرنەشە نەگىزگى زاڭبۇزۋشىلىق انىقتالعان.
«كوكجۇلدىزدى» اككاۋنتتاردىڭ قاتە ۆەريفيكاتسيالانۋى، بۇل قولدانۋشىلاردى كونتەنت كوزىنىڭ شىنايىلىعىنا قاتىستى شاتاستىرۋى مۇمكىن. ودان بولەك، جارناما اشىقتىعىنىڭ ساقتالماۋى، رەتتەۋشىلەرگە جالپىعا قولجەتىمدى دەرەكتەرگە تولىق قول جەتكىزۋدىڭ بەرىلمەۋى سەپ بولعان.
ەو X كومپانياسىنا:
-
ۆەريفيكاتسيا ماسەلەسىن رەتتەۋگە — 60 كۇن،
-
جارناما اشىقتىعى مەن دەرەكتەرگە قولجەتىمدىلىكتى قامتاماسىز ەتۋگە — 90 كۇن ۋاقىت بەلگىلەدى.
X پلاتفورماسىنا قاتىستى تەرگەۋ 2023 جىلى باستالعان. ال 2024 جىلى ەۋروكوميسسيا كومپانيانىڭ DSA تالاپتارىنىڭ بىرنەشە بابىن بۇزعانىن مالىمدەگەن. سونىمەن قاتار پلاتفورماعا قاتىستى زاڭسىز كونتەنتتىڭ تارالۋى مەن اقپاراتتىق مانيپۋلياتسياعا قارسى شارالار بويىنشا وزگە دە تەرگەۋلەر ءجۇرىپ جاتىر.
