Mädeniet jäne aqparat vise-ministrı Aibek Sydyqov Kenesary hannyŋ basyn Qazaqstanǧa qaitaru mümkındıgı turaly sūraqqa jauap berdı, dep habarlaidy «Adyrna» tılşısı QazAqparatqa sılteme jasap.
«Būl sūraqqa däl qazır naqty jauap beru qiyn. Öitkenı Kenesary hannyŋ basy naqty qai jerde ekenın aita almaimyz. Bızde ondai naqty, däleldı aqparat joq", - dedı ol.
BAQ ökılderı artefaktınıŋ mädeni maŋyzdylyǧyn eskere otyryp, ony ızdeu jūmystary jürgızılıp jatyr ma dep sūrady. Sydyqovtyŋ aituynşa, zertteuler älı jalǧasyp jatyr.
«Būl tek Kenesary hannyŋ basyna qatysty emes. 2004–2006 jyldary jäne keiıngı kezeŋderde mädeni mūrany ızdestıruge arnalǧan arnaiy memlekettık baǧdarlamalar boldy. Bızdıŋ ǧalymdar şetelge şyǧyp, muzeilerde, arhivterde, kıtaphanalarda jūmys ıstedı. Köptegen arhivtık qūjattardyŋ köşırmesı Qazaqstanǧa jetkızıldı»,- dedı vise-ministr.
