استانادا جاراقات العان ادامدارعا كومەك كورسەتۋ كەزىندە اۋىر جاراقات الىپ، اۋرۋحانادا كوز جۇمعان فەلدشەر ۇلدانا مىرزۋاننىڭ قۇرمەتىنە ەسكەرتكىش ورناتىلادى. بۇل تۋرالى بۇگىن ءماجىلىس كۋلۋارىندا دەنساۋلىق ساقتاۋ ءمينيسترى اقمارال ءالنازاروۆا ايتتى، دەپ حابارلايدى «ادىرنا» ءتىلشىسى.
«جەدەل جاردەم ستانتسياسى باسشىلىعى ارقىلى ۇلدانا مىرزۋان وقىعان مەديتسينالىق كوللەدجدە ونىڭ اتىنا اۋديتوريا اشۋدى جوسپارلاپ وتىرمىز. بۇل – ءبىز ءۇشىن وتە اۋىر، وتە قايعىلى وقيعا. سونداي-اق مارقۇمنىڭ اتى ۇمىتىلماس ءۇشىن ەسكەرتكىش ورناتقىمىز كەلەدى»،-دەدى مينيستر.
ودان بولەك، ءالنازاروۆا مينيسترلىكتىڭ تەرگەۋ تۋرالى تۇراقتى تۇردە اقپارات الىپ وتىرعانىن، الايدا ناقتى قورىتىندىلار تەك تەرگەۋ تولىق اياقتالعاننان كەيىن عانا بەلگىلى بولاتىنىن جەتكىزدى.
ەسكە سالايىق، 18 قاراشادا استانادا ۇستىنە كونديتسيونەر قۇلاپ كەتكەن 23 جاستاعى فەلدشەر اۋرۋحانادا كوز جۇمعان بولاتىن. وعان پرەزيدەنت جارلىعىمەن «ەرلىگى ءۇشىن» مەدالى بەرىلگەن.
