استانادا جەدەل جاردەم قىزمەتىن اتقارۋ كەزىندە ۇستىنە كوپقاباتتى ۇيدەن كونديتسيونەر قۇلاپ كوز جۇمعان فەلدشەر ۇلدانا مىرزۋاننىڭ جۇبايى ادىلەت زەينەل جانتەبىرەنتەرلىك جازبا جاريالادى، دەپ حابارلايدى «ادىرنا» ءتىلشىسى.
ول بارشا قازاق حالقىنا العىس ايتتى.
«ەشقانداي مەدال دا، ەشقانداي ءسوز دە مەنىڭ جۇرەگىمنىڭ يەسىن ماعان قايتارا المايدى. ۇيىمە نۇر، قۇت جانە بەرەكە اكەلگەن، اللا قوسقان ادال جارىمنىڭ تىلەۋىن تىلەگەن بۇكىل قازاق ەلىنە العىسىم شەكسىز. وسى ۋاقىتقا دەيىن اللادان جۇرەگىمدى امان الىپ قالۋىن سۇراپ، قاسىندا بولىپ، دۇعا ەتتىم. سابىر ساقتاپ، ءبارىن سابىرعا سالدىم. ەندىگى تىلەگىم سوتتىڭ ءادىل ءوتۋى، تەرگەۋدىڭ تازا جۇرگىزىلۋى. قۇداي قوسقان قوساعىمنىڭ جانى تىنىش بولۋى ءۇشىن بۇل ءىستى سوڭىنا دەيىن جەتكىزۋىم كەرەك. جاۋاپتىلار جازاسىن الۋى ءتيىس!»– دەدى ول.
ەسكە سالايىق، قاسىم-جومارت توقاەۆ قازا تاپقان فەلدشەر ۇلدانا مىرزۋاندى «ەرلىگى ءۇشىن» مەدالىمەن ماراپاتتاعان بولاتىن.
