بىرەر اپتا بۇرىن الماتى وبلىسى اكىمىنىڭ ورىنباسارى بولىپ تاعايىندالعان قانات ەسبولاتوۆتىڭ مۇگەدەكتىگى بار جاندارعا قاتىستى ايتقان ءسوزى جەلى جۇرتىنىڭ اشۋىن تۋعىزدى، دەپ حابارلايدى "ادىرنا" ۇلتتىق پورتالى.
بۇل وقيعا تالعار اۋدانىندا دەنساۋلىق ساقتاۋ ءمينيسترى اقمارال النازاروۆامەن كەزدەسۋ كەزىندە ورىن العان.
كەزدەسۋ سوڭىندا ءمينيستردىڭ جەكە قابىلداۋىنا جازىلۋشىلار كوپ بولعاندىقتان، ەسبولاتوۆ تۇرعىنداردى سابىرعا شاقىرىپ، «الدىمەن مۇگەدەكتەردى قابىلداۋعا جازايىق، ولاردى ونسىز دا قۇداي جازالاعان...» دەگەن ءسوز ايتتى. شەنەۋنىكتىڭ بۇل ايتقانى الەۋمەتتىك جەلىدە كەڭىنەن سىنعا ۇشىراپ، حالىق تاراپىنان قاتتى تالقىلاندى.
پىكىرلەردە ەسبولاتوۆ مۇگەدەكتىگى بار جاندارعا قاتىستى تەرمينولوگيانى دۇرىس قولدانباعانى، سونداي-اق مەملەكەتتىك قىزمەتكەر رەتىندە ادەپتىلىك تالاپتارىن ساقتاماعانى ايتىلدى.
11قاراشا كۇنى عانا جاڭا قىزمەتىنە تاعايىندالعان وبلىس اكىمىنىڭ ءبىرىنشى ورىنباسارى جەلىدە كەشىرىم سۇراپ، جازبا جۇكتەگەن.
"الەۋمەتتىك جەلىدە تاراعان ۆيدەوعا قاتىستى اقپارات بەرۋدى ءجون دەپ سانايمىن. دەنساۋلىق ساقتاۋ مينيسترىمەن تالعاردا وتكەن كەزدەسۋگە قالىڭ جۇرت جينالدى. ارقايسىسى وزەكتى ماسەلە كوتەرىپ، سۇراق قويۋعا اسىقتى. سوندىقتان كەزەك تە ۇلكەن بولدى.
رەگلامەنت بويىنشا كەزدەسۋگە ەكى ساعات بولىنگەن ەدى. بىراق، سۇراقتاردىڭ كوپ بولۋىنا بايلانىستى جيىن شامامەن 4 ساعاتقا سوزىلدى.
كەلگەن ازاماتتاردىڭ اراسىندا بىرقاتار مۇمكىندىگى شەكتەۋلى جان بولدى. كەيبىرى تىك تۇرىپ، ءوز كەزەگىن كۇتتى. كەزەگى جەتكەندە زالداعى بىرنەشە ادام ءسوزىن ءبولىپ، وعان كەدەرگى جاساي باستادى. رەگلامەنتتى ساقتاۋعا شاقىردىم. الايدا ورىس تىلىندە ايتقان سوزىمدە قاتەلىك بار. ويىمدى دۇرىس جەتكىزبەپپىن. “قۇداي ۇلكەن سىناق بەرگەن” دەپ ايتپاق بولعانمىن.
ايتقان ءسوزىم كوپشىلىكتىڭ كوڭىلىنە، ءتىپتى نامىسىنا تيگەنىن دە ءتۇسىندىم. وسى ءۇشىن شىن نيەتىممەن كەشىرىم سۇرايمىن", - دەپ جازدى.
