الماتى وبلىسىندا جول اپاتىنان 6 ادام قازا تاپتى، دەپ حابارلايدى "ادىرنا" ۇلتتىق پورتالى.
الماتى – بىشكەك اۆتوجولىنىڭ 65-شاقىرىمىندا جانتۇرشىگەرلىك جول اپاتى بولدى.
بۇل تۋرالى وبلىستىق پوليتسيا دەپارتامەنتى حابارلادى.
الدىن الا مالىمەت بويىنشا، Audi ماركالى اۆتوكولىكتىڭ 23 جاستاعى جۇرگىزۋشىسى رولگە يە بولا الماي، قارسى باعىتتاعى Toyota كولىگىمەن سوقتىعىسقان.
قاتتى سوققى سالدارىنان ەكى كولىكتىڭ جۇرگىزۋشىلەرى مەن ءۇش جولاۋشى وقيعا ورنىندا قازا تاپتى. تاعى ءبىر جولاۋشى اۋىر جاراقاتپەن اۋرۋحاناعا جەتكىزىلگەنىمەن، دارىگەرلەر ونىڭ ءومىرىن ساقتاپ قالا المادى.
پوليتسيانىڭ دەرەگىنشە، بەس جولاۋشى ءتۇرلى دەنە جاراقاتتارىمەن ەمدەۋ مەكەمەسىندە جاتىر.
"قايعىلى وقيعانىڭ بارلىق سەبەبى مەن ءمان-جايىن انىقتاۋ ءۇشىن جان-جاقتى تەرگەۋ جۇرگىزىلۋدە. تەرگەۋ بارىسى الماتى وبلىسى پوليتسيا دەپارتامەنتى باسشىلىعىنىڭ ەرەكشە باقىلاۋىندا", – دەلىنگەن رەسمي حابارلامادا.
