Bırer apta būryn Almaty oblysy äkımınıŋ orynbasary bolyp taǧaiyndalǧan Qanat Esbolatovtyŋ mügedektıgı bar jandarǧa qatysty aitqan sözı jelı jūrtynyŋ aşuyn tuǧyzdy, dep habarlaidy "Adyrna" ūlttyq portaly.
Būl oqiǧa Talǧar audanynda densaulyq saqtau ministrı Aqmaral Älnazarovamen kezdesu kezınde oryn alǧan.
Kezdesu soŋynda ministrdıŋ jeke qabyldauyna jazyluşylar köp bolǧandyqtan, Esbolatov tūrǧyndardy sabyrǧa şaqyryp, «aldymen mügedekterdı qabyldauǧa jazaiyq, olardy onsyz da Qūdai jazalaǧan...» degen söz aitty. Şeneunıktıŋ būl aitqany äleumettık jelıde keŋınen synǧa ūşyrap, halyq tarapynan qatty talqylandy.
Pıkırlerde Esbolatov mügedektıgı bar jandarǧa qatysty terminologiiany dūrys qoldanbaǧany, sondai-aq memlekettık qyzmetker retınde ädeptılık talaptaryn saqtamaǧany aityldy.
11qaraşa künı ǧana jaŋa qyzmetıne taǧaiyndalǧan oblys äkımınıŋ bırınşı orynbasary jelıde keşırım sūrap, jazba jüktegen.
"Äleumettık jelıde taraǧan videoǧa qatysty aqparat berudı jön dep sanaimyn. Densaulyq saqtau ministrımen Talǧarda ötken kezdesuge qalyŋ jūrt jinaldy. Ärqaisysy özektı mäsele köterıp, sūraq qoiuǧa asyqty. Sondyqtan kezek te ülken boldy.
Reglament boiynşa kezdesuge ekı saǧat bölıngen edı. Bıraq, sūraqtardyŋ köp boluyna bailanysty jiyn şamamen 4 saǧatqa sozyldy.
Kelgen azamattardyŋ arasynda bırqatar mümkındıgı şekteulı jan boldy. Keibırı tık tūryp, öz kezegın küttı. Kezegı jetkende zaldaǧy bırneşe adam sözın bölıp, oǧan kedergı jasai bastady. Reglamenttı saqtauǧa şaqyrdym. Alaida orys tılınde aitqan sözımde qatelık bar. Oiymdy dūrys jetkızbeppın. “Qūdai ülken synaq bergen” dep aitpaq bolǧanmyn.
Aitqan sözım köpşılıktıŋ köŋılıne, tıptı namysyna tigenın de tüsındım. Osy üşın şyn nietımmen keşırım sūraimyn", - dep jazdy.
