Almaty äkımı Darhan Satybaldy Oquşylar saraiyna baryp, qalanyŋ eŋ ırı qosymşa bılım beru ortalyǧynyŋ qyzmetımen tanysty.
1983 jyldan berı jūmys ısteitın būl mekeme jyl saiyn 6-17 jas aralyǧyndaǧy balalarǧa sporttyq, körkem-qoldanbaly, ǧylymi-tehnikalyq, ekologiialyq, turistık-ölketanu, äleumettık-pedagogikalyq jäne muzykalyq baǧyttar boiynşa baǧdarlama ūsynady. Bügınde Oquşylar saraiynda 15,1 myŋnan astam bala bılım alyp jür, olardyŋ 7,9 myŋnan astamy tūraqty türde qatysyp jür. 200-den astam mūǧalım oqu kabinetı, zerthana, basseinı bar sport keşenı, planetarii, observatoriia jäne şyǧarmaşylyq studiiada sabaq beredı.
Darhan Satybaldy ortalyqtyŋ infraqūrylymymen tanysyp, klassikalyq muzyka jäne robototehnika synyptaryn aralady. Almaty äkımı mūndai baǧyttardy damytu Memleket basşysy jüktegen tapsyrmalardy ıske asyru aiasynda jürgızılıp jatqanyn, al qosymşa bılım beru baǧdarlamalarynyŋ mazmūny men aluan türlılıgı balalardyŋ jan-jaqty damuynyŋ maŋyzdy bölıgı ekenın atap öttı.
Barlyq bölme täulık boiy beinebaqylaumen, ört dabylymen jäne zamanaui qauıpsızdık jüielerımen jabdyqtalǧan. Darhan Satybaldy qosymşa bılım beru nysandarynyŋ materialdyq-tehnikalyq bazasyn odan ärı nyǧaitu qajettıgın aitty.
Jūmys sapary barysynda qala äkımı Almaty muzeiıne de baryp, ekspozisiiamen qatar, mekemenıŋ qyzmetımen tanysty. 2002 jyly qūrylǧan muzei bügınde Jetısu öŋırınıŋ tarihi-mädeni mūrasynan syr şertetın qalanyŋ jetekşı mädeni ortalyqtarynyŋ bırı. Muzei qorynda 40 myŋǧa juyq eksponat bar, olardyŋ qatarynda arheologiialyq oljalar, türlı däuırlerdıŋ etnografiiasy men tūrmys būiymdary, fotoderekter, beineleu önerınıŋ tuyndylary jäne Almaty qalasynyŋ myŋjyldyq tarihyn qamtityn bıregei toptamalar bar.
Ejelgı qonys kezeŋınen qazırgı megapoliske deiıngı uaqytty qamtityn ekspozisiia 11 taqyryptyq zalda ornalasqan. Äkımge LED-ekran, aqparattyq qūrylǧy, proeksiialyq jüie jäne interaktivtı keskındeme syndy muzeidıŋ zamanaui multimediialyq şeşımderı körsetıldı. Darhan Satybaldy tarihi-mädeni mūrany saqtau men mädeni nysandardyŋ qala tūrǧyndary men qonaqtary üşın qoljetımdılıgın arttyrudyŋ maŋyzdylyǧyn atady.
